மக்கள் நீதி மய்யம் மகேந்திரனுக்கு கொக்கி போடும் இரண்டு கட்சிகள்!

மக்கள் நீதி மய்யம் கட்சியின் துணைத் தலைவர் சமீபத்தில் அந்த கட்சியில் இருந்து விலகியது பரபரப்பை ஏற்படுத்தியது.

சமீபத்தில் கமல்ஹாசனின் மக்கள் நீதி மய்யம் காட்சியிலிருந்து அக்கட்சியின் துணைத் தலைவர் டாக்டர் மகேந்திரன் அவர்கள் விலகினார் என்பது தெரிந்தது. மகேந்திரன் விலகலுக்கு பின் கமலஹாசன் காரசாரமான ஒரு அறிக்கை விட்டார் என்பதும் அதற்கு பதிலளிக்கும் வகையில் பல தொலைக்காட்சிகளில் டாக்டர் மகேந்திரன் பேட்டி அளித்தார் என்பது குறிப்பிடத்தக்கது.

இந்நிலையில் இப்போது மகேந்திரனை தங்கள் கட்சிக்குள் இழுக்க பாஜக மற்றும் திமுக ஆகிய இரண்டு கட்சிகளும் முயற்சி செய்வதாக சொல்லப்படுகிறது. திமுக கோவை பகுதியில் பலவீனமாக இருப்பதால் மகேந்திரனை இழுத்து போட்டு முக்கிய பொறுப்பைக் கொடுக்க முயற்சி செய்வதாக சொல்லப்படுகிறது. அதே போல பாஜகவும் அவரை கட்சிக்குள் இழுக்க விரும்புவதாக சொல்லப்படுகிறது. ஆனால் மகேந்திரன் திமுக பக்கம் செல்லவே வாய்ப்புகள் அதிகம் என சொல்லப்படுகிறது.