மீண்டும் உயர தொடங்கியது தங்கம் விலை! – இன்றைய நிலவரம்!

கடந்த சில நாட்களாக விலை குறைந்து வந்த தங்கம் மீண்டும் விலை ஏற்றம் காண தொடங்கியுள்ளது.

கடந்த சில மாதங்களாக கொரோனா பாதிப்பால் உலக நாடுகளில் பல்வேறு தொழில்கள் தேக்கம் அடைந்ததால் தங்கத்தின் மீதான முதலீடு அதிகமானது. இதனால் தங்கத்தின் விலையும் அதிகரித்தது.   

இதனைத்தொடர்ந்து ஏற்ற இறக்கத்துடன் இருந்த தங்கத்தின் விலை தீபாவளிக்கு பிறகு ஒரு வாரத்திற்கு விலையில் சரிவை சந்தித்தது. பிறகு ஏற்ற இறக்கங்களுடன் விற்பனையாகி வரும் தங்கம் இன்று மீண்டும் விலை ஏற்றம் கண்டுள்ளது.

இன்றைய நிலவரப்படி சென்னையில் தங்கம் சவரனுக்கு ரூ.136 உயர்ந்து ரூ.37,112க்கு விற்பனையாகி வருகிறது. ஒரு கிராம் தங்கம் ரூ.17 ரூபாய் உயர்ந்து ரூ.4,639க்கு விற்பனையாகி வருகிறது.