தயவு செஞ்சு ரிவ்யூ எடுங்க.. கெஞ்சிய சர்பராஸ் கான்… வைரலாகும் புகைப்படம்!

இந்தியா மற்றும் நியுசிலாந்து அணிகளுக்கு இடையிலான இரண்டாவது டெஸ்ட் போட்டி புனேவில் தொடங்கி நடைபெற்று வருகிறது. இந்த போட்டியில் டாஸ் வென்ற நியுசிலாந்து அணி முதலில் பேட் செய்தது. முதலில் நிதானமான ஆட்டத்தை வெளிப்படுத்திய நியுசிலாந்து பேட்ஸ்மேன்கள் ஒரு கட்டத்தில் வாஷிங்டன் சுந்தர் சுழலில் சிக்கி மளமளவென விக்கெட்களை இழந்து 259 ரன்களுக்கு அனைத்து விக்கெட்களையும் இழந்தனர்.

இந்த போட்டியில் 59 ரன்களை மட்டும் கொடுத்து வாஷிங்டன் சுந்தர் அபாரமாக பந்துவீசி 7 விக்கெட்களை வீழ்த்தி அசத்தியுள்ளார். சுழல் பந்து வீச்சுக்கு சாதகமான இந்த ஆடுகளத்தில் அனைத்து விக்கெட்களையும் அஸ்வின் மற்றும் சுந்தர் ஆகிய இருவரே கைப்பற்றினர்.

இந்த போட்டியில் ஒரு சுவாரஸ்யத் தருணத்தை சர்பராஸ் கான் உருவாக்கினார். நியுசிலாந்து அணியின் வில் யங் அஸ்வின் பந்தில் கேட்ச் கொடுத்து அவுட்டானார். ஆனால் அதற்கு நடுவர் முதலில் அவுட் கொடுக்கவில்லை. ஆனால் ஸ்லிப்பில் நின்ற சர்பராஸ் கான் அது கேட்ச்தான் என உறுதியாக சொன்னார். ஆனால் ரோஹித் அதை முதலில் ஏற்கவில்லை. அதனால் சர்பராஸ் கான் அவரிடம் கெஞ்சி ரிவ்யூ கேட்கவைத்தார். ரிவ்யூவில் அது அவுட்தான் என்பது தெரிந்து விக்கெட் கொடுக்கப்பட்டது. இந்நிலையில் சர்பராஸ் கான் ரோஹித் ஷர்மாவிடம் கெஞ்சிய தருணத்தை ரசிகர்கள் பகிர்ந்து அவருக்கு வாவ் சொல்லி வருகின்றனர்.