கங்குவா படத்துக்காக உலகம் சுற்றும் வாலிபன் ஆக மாறப்போகும் சூர்யா!
சூர்யா நடிப்பில் கிட்டத்தட்ட இரண்டு ஆண்டுகளுக்கும் மேலாக உருவாகி வரும் கங்குவா படத்தை சிறுத்தை சிவா மிக பிரம்மாண்டமாக இயக்கி வருகிரார். இந்த கதை நிகழ்காலம் மற்றும் சில நூற்றாண்டுகளுக்கு முந்தைய காலம் என இரு காலகட்டங்களில் நடக்கும் விதமாக உருவாக்கப்பட்டுள்ளது. இந்த படத்தின் ஷூட்டிங் நடந்து முடிந்துள்ள நிலையில் தற்போது போஸ்ட் புரொடக்ஷன் பணிகள் நடந்து வருகின்றன.
படம் 10 மொழிகளில் ரிலீஸ் ஆகவுள்ளதாக சொல்லப்படுகிறது. ஷூட்டிங் முடிந்து தற்போது போஸ்ட் புரொடக்ஷன் பணிகள் நடந்து வரும் நிலையில் படத்தின் ரிலீஸ் அக்டோபர் 10 ஆம் தேதி என்று அறிவிக்கப்பட்டுள்ளது. இப்போது படத்தின் பிஸ்னஸை தொடங்கியுள்ளது தயாரிப்பு நிறுவனமான ஸ்டுடியோ கிரீன் நிறுவனம்.
இந்த படத்துக்கு மிகப்பெரிய அளவில் செலவு செய்யப்பட்டுள்ளது. அதை திருப்பி எடுக்க அனைத்து வழிகளையும் தயாரிப்பு நிறுவனம் பயன்படுத்தவுள்ளது. அதன் ஒரு கட்டமாக படத்தின் ப்ரமோஷனுக்காக சூர்யா, பல நாடுகளுக்கு அழைத்துச் சென்று அவரை நேர்காணல்கள் கொடுக்க வைக்கவுள்ளதாக சொல்லப்படுகிறது.
