சிம்புவின் அடுத்த படத்தில் ஹீரோயினாக நடிக்கப் போவது இவர்தான்.. லேட்டஸ்ட் தகவல்!
பத்து தல படத்துக்குப் பிறகு சிம்பு அடுத்து தேசிங் பெரியசாமி இயக்கத்தில் உருவாக உள்ள புதிய படத்தில் நடிக்கிறார். இந்த படத்தை கமல்ஹாசனின் ராஜ்கமல் பிலிம்ஸ் நிறுவனம் தயாரிக்கிறது. இந்த படத்துக்கான முன் தயாரிப்புப் பணிகள் நடந்துவரும் நிலையில் சிம்பு படத்துக்காக நீளமாக முடிவளர்த்து கெட்டப்பை எல்லாம் மாற்றியுள்ளார்.
சமீபத்தில் இந்த படத்தின் டெஸ்ட் ஷூட் ரகசியமாக சென்னையில் நடந்து முடிந்துள்ளதாக சொல்லப்படுகிறது. விரைவில் படத்தின் அதிகாரப்பூர்வ அறிவிப்பு இந்த வீடியோவோடு வெளியாகும் என சொல்லப்படுகிறது. ஆனால் அப்படி எந்த வீடியோவும் வெளியிடவில்லை. இப்போது முன்தயாரிப்பு பணிகள் நடந்துவரும் நிலையில் சிம்பு துபாயில் இருந்து தற்போது திரும்பியுள்ளதால் விரைவில் ஷூட்டிங் தொடங்கும் என தெரிகிறது.
இந்நிலையில் இந்த படத்தில் நடிக்கப் போகும் நடிகை யார் என்பது பற்றி அடிக்கடி தகவல் வெளியாகி வருகிறது. அதன்படி கீர்த்தி சுரேஷ், தீபிகா படுகோன் என பல பெயர்கள் அடிபட்டு வருகின்றன. இந்நிலையில் இப்போது அந்த படத்தில் பூஜா ஹெக்டே நடிக்க உள்ளதாகவும், அவரிடம் பேச்சுவார்த்தை நடைபெற்று வருகிறது என ஒரு தகவல் பரவி வருகிறது.
