5 மொழிகள், 5 முக்கிய பாடகர்கள்! ஆர்.ஆர்.ஆர் தீம் சாங் முக்கிய அப்டேட்!
ராஜமௌலி இயக்கத்தில் உருவாகி வரும் ஆர்ஆர்ஆர் திரைப்படத்தின் தீம் சாங் குறித்த முக்கிய அப்டேட் இன்று வெளியாகிறது.
தெலுங்கு இயக்குனர் ராஜமௌலி இயக்கத்தில் ராம்சரண், ஜூனியர் எண்டிஆர் நடித்துள்ள படம் ஆர்.ஆர்.ஆர். சுதந்திர போராட்ட வீரர்களான அல்லுரி சீதராம ராஜூ மற்றும் கோமரம் பீம் ஆகியோரது வாழ்க்கையை மையப்படுத்திய இந்த கதையை ஆக்ஷன் படமாக இயக்கியுள்ளார் ராஜமௌலி. இந்த படத்திற்கு கீரவாணி இசையமைத்துள்ளார்.
தமிழ், தெலுங்கு உள்ளிட்ட 5 இந்திய மொழிகளில் இந்த படம் வெளியிடப்பட உள்ள நிலையில் இந்த படத்திற்கான தீம் சாங் குறித்த அறிவிப்பு வெளியாகியுள்ளது. 5 மொழிகளில் 5 முக்கிய பாடகர்களை கொண்டு ஆர்ஆர்ஆர் தீம் பாடல் தயாரிக்கப்பட்டுள்ளதாக தெரிவித்துள்ள லைகா நிறுவனம் இதுகுறித்த முக்கிய அறிவிப்பு இன்று 11 மணிக்கு வெளியாகும் என கூறப்பட்டுள்ளது.
