விஜய் சேதுபதியை வைத்து இயக்கும் படம் பற்றி அப்டேட் கொடுத்த மிஷ்கின்!
தமிழ் சினிமாவின் முன்னணி இயக்குனர்களில் ஒருவரான மிஷ்கின் இப்போது பிசாசு 2 படத்தை இயக்கி முடித்துள்ளார். இந்த படத்தில் ஆண்ட்ரியா, பூஜா உள்ளிட்டவர்கள் நடிக்கின்றனர். முக்கியமான ஒரு வேடத்தில் விஜய் சேதுபதி நடித்துள்ளார். அவரின் காட்சிகள் 20 நிமிடங்கள் இடம்பெறும் என சொல்லப்படுகிறது.
இந்த படத்தின் போது விஜய் சேதுபதி மற்றும் மிஷ்கின் ஆகியோருக்கு இடையே ஏற்பட்ட நட்பின் காரணமாக இப்போது இருவரும் சேர்ந்து ஒரு படத்தை உருவாக்க உள்ளனர். இந்த படத்தை கலைப்புலி எஸ் தாணு தயாரிக்கிறார் என்று சொல்லப்பட்டது. இந்த படம் பிப்ரவரியில் தொடங்கும் என சொல்லப்பட்டது.
ஆனால் இதுவரை தொடங்கப்படவில்லை. இந்நிலையில் சமீபத்தில் அளித்த ஒரு நேர்காணலில் மிஷ்கின் இந்த படம் பற்றி பேசியுள்ளார். அதில் அந்த படத்துக்கான கதையை இப்போதுதான் எழுத ஆரம்பித்துள்ளேன். அரைமணிநேரம் அளவுக்கு எழுதியுள்ளேன். அதைப் பற்றி இப்போது அதிகமாக பேச முடியாது எனக் கூறியுள்ளார்.
