கண் கவரும் விக்ரம் & ஸ்ரீநிதி ஷெட்டியின் புதிய ‘கோப்ரா’ ஸ்டில்கள்!
விக்ரம் நடிப்பில் அடுத்து வெளியாக உள்ள திரைப்படமாக கோப்ரா திரைப்படம் உருவாகியுள்ளது.
இதுவரை விக்ரம் நடித்த படங்களிலேயே அதிக பட்ஜெட் படமாக கோப்ரா உருவாகியுள்ளது. கிட்டத்தட்ட மூன்று ஆண்டுகளாக படப்பிடிப்பு நடந்துவந்த இந்த படத்தின் படப்பிடிப்பு சில மாதங்களுக்கு முன்னர் முடிவுற்றது. இதையடுத்து படக்குழுவினர் கேக் வெட்டி கொண்டாடிய புகைப்படம் இணையத்தில் வெளியானது. ஆகஸ்ட் மாதம் 11 ஆம் தேதி ரிலீஸாகும் என அறிவிக்கப்பட்டுள்ளது.
இந்த படத்தின் தமிழக உரிமையை உதயநிதி ஸ்டாலினின் ரெட் ஜெயண்ட் மூவிஸ் நிறுவனம் கைப்பற்றி உள்ளது. அதுபோல படத்தின் ஒட்டுமொத்த வெளிநாட்டு உரிமையையும் ‘யுனைடெட் இந்தியா எக்ஸ்போர்ட்டர்ஸ்’ நிறுவனம் கைப்பற்றியுள்ளது. முன்னதாக தொலைக்காட்சி உரிமையைக் கலைஞர் தொலைக்காட்சி நிறுவனம் கைப்பற்றியது குறிப்பிடத்தக்கது.
இதையடுத்து படத்தின் ப்ரமோஷன்கள் தொடங்கியுள்ள நிலையில் இப்போது படத்தில் விக்ரம் மற்றும் ஸ்ரீதி ஷெட்டி ஆகியோர் இடம்பெற்ற புதிய புகைப்படங்களைப் படக்குழுவினர் பகிர்ந்துள்ளனர்.
