விஜய் சேதுபதியை இயக்கும் அனுராக் காஷ்யப்… கதையெழுதும் வெற்றிமாறன்!
பாலிவுட்டின் முன்னணி இயக்குனரும் உலக திரைப்பட விழாக்களில் இந்திய சினிமாவின் முகமாகவும் இருப்பவர் அனுராக் காஷ்யப். அவர் இயக்கிய கேங்ஸ் ஆஃப் வாசேபூர், தேவ் டி உள்ளிட்ட படங்கள் பெரியளவில் கவனம் பெற்ற படைப்புகளாக அமைந்தன.
சமீபகாலமாக அவரின் படங்கள் பெரிய அளவில் வெற்றி பெறுவதில்லை. அதனால் இப்போது அவர் நடிப்பிலும் கவனம் செலுத்தி வருகிறார். சமீபத்தில் அவர் தமிழில் லியோ மற்றும் மகாராஜா ஆகிய படங்களில் நடித்திருந்தார். மலையாளத்தில் அவர் நடித்த ரைபிள் கிளப் பெரிய வெற்றி பெற்றதையடுத்து அவருக்கு அங்கே பெரியளவில் வாய்ப்புகள் குவியத் தொடங்கியுள்ளன.
இந்நிலையில் அனுராக் காஷ்யப் விரைவில் விஜய் சேதுபதியை வைத்து படம் ஒன்றை இயக்கவுள்ளார். இந்த படத்துக்கு வெற்றிமாறன் கதை எழுதவுள்ளார். இந்த தகவலை சமீபத்தில் அனுராக் காஷ்யப் ஒரு நேர்காணலில் பகிர்ந்துகொண்டுள்ளார்.
