ஆஸ்திரேலிய வேகப்பந்து வீச்சாளரின் கொரோனா சோதனை முடிவுகள் வெளியானது !
ஆஸ்திரேலியாவின் இளம் வேகப்பந்து வீச்சாளரான கேன் ரிச்சர்ட்ஸனின் கொரோனா சோதனை முடிவுகள் வெளியாகியுள்ளன.
சீனாவில் இருந்து உலக நாடுகள் அனைத்துக்கும் கொரோனா வைரஸ் பீதி பரவத் தொடங்கிய நேரத்தில் ஆஸ்திரேலியாவின் பந்து வீச்சாளர் கேன் ரிச்சர்ட்ஸன் ஐரோப்பிய நாடுகளில் சுற்றுப்பயணம் மேற்கொண்டு இருந்தார். இதனால் அவர் ஆஸ்திரேலியா திரும்பியதும் அவருக்கு கொரோனா வைரஸ் சோதனைகள் செய்யப்பட்டன.
சோதனைகள் நடத்தி ஒருவார காலம் ஆன நிலையில் இப்போது அவரின் முடிவுகள் வெளியாகியுள்ளன. அதில் அவருக்கு வைரஸ் பாதிப்பு இல்லை என முடிவு வந்துள்ளது. இதை டிவிட்டரில் அறிவித்துள்ள அவர் ‘முதலில் இதை சரியாக புரிந்துகொள்ளவில்லை. பின்னர்தான் நிலைமையின் தீவிரம் புரிந்தது. பாசிட்டிவ் என முடிவு வராது என்ற நம்பிக்கையில் இருந்தேன். அதே போல வந்துள்ளது. எனக்கு கொரோனா பாதிப்பு இல்லை. மகிழ்ச்சி’ எனத் தெரிவித்துள்ளார்.
