இனி டெஸ்ட் போட்டிகள் நான்கு நாள் மட்டுமா ? – தீவிர ஆலோசனையில் ஐசிசி !

Last Modified புதன், 1 ஜனவரி 2020 (09:32 IST)
டெஸ்ட் போட்டிகளை இனிமேல் நான்கு நாட்களாக மாற்ற ஐசிசி ஆலோசித்து வருவதாக சொல்லப்படுகிறது.

மாறிவரும் காலத்துக்கு ஏற்ப டெஸ்ட் போட்டிகள் தங்கள் சுவாரஸ்யத்தை இழந்து வருகிறது. இதற்கு டி 20 போட்டிகளின் தாக்கமும் ஒரு காரணம். டெஸ்ட் போட்டிகளை காண மைதானத்துக்கு வரும் ரசிகர்களின் கூட்டமும் குறைந்து வருகிறது. இதை முன்னிட்டு டெஸ்ட் போட்டிகளை நான்கு நாட்களாக குறைக்க ஐசிசி ஆலோசனை செய்து வருகிறது.

இதன் மூலம் அதிகமாக கிடைக்கும் நாட்களை கொண்டு வேறு வடிவிலான போட்டிகளை நடத்தவும் திட்டமிட்டுள்ளது. மேலும் ஒருநாளுக்கு வீசப்படும் 90 ஓவர்கள் என்ற விகிதத்தில் இருந்து 98 ஓவர்கள் வரை வீச உள்ளதாகவும் தெரிகிறது. இதனால் அதிக ஓவர்கள் இழப்பது குறைக்கப்படும் என சொல்லப்படுகிறது.

இதற்கு முன்னாள் வீரர்கள் மத்தியில் எதிர்ப்பும் ஆதரவும் கிடைத்துள்ளது.



இதில் மேலும் படிக்கவும் :