இனிமேல் ஐதராபாத் அணிக்காக ஆடமாட்டேன்… ஆனால் ஆதரவு அளியுங்கள் – டேவிட் வார்னர்!
சன் ரைசர்ஸ் ஐதராபாத் அணியில் டேவிட் வார்னர் கடந்த சில போட்டிகளாக கட்டம் கட்டப்பட்டு வருகிறார்.
தோல்விகளை மட்டுமே சந்தித்து வந்த சன் ரைசர்ஸ் ஐதராபாத் அணியை வெற்றிப்பாதைக்கு அழைத்துச் சென்று தன் கேப்ட்னசியில் கோப்பையும் பெற்றுக் கொடுக்க வைத்தார் டேவிட் வார்னர். ஆனால் கடந்த சில சீசன்களாகவே அவருக்கும் அணி நிர்வாகத்துக்கும் இடையே கருத்து வேறுபாடு தோன்றியுள்ளது.
இந்நிலையில் இப்போது புதிய கேப்டனாக கேன் வில்லியம்சன் நியமிக்கப்பட்டுள்ள நிலையில் வார்னர் அணியில் இருந்து ஓரம் கட்டப்படுகிறார். நேற்றைய போட்டியிலும் அவர் விளையாடவில்லை. மைதானத்திலும் அவரை எங்குமே காணாதது குறித்து ரசிகர் ஒருவர் ‘யாராவது டேவிட் வார்னரை பார்த்தீர்களா?’ என டிவீட் செய்திருந்தார். அதற்கு டேவிட் வார்னர் ‘இனிமேல் என்னைப் பார்க்க முடியாமல் கூட போகலாம். ஆனாலும் அணிக்கு ஆதரவு தெரிவியுங்கள்’ எனக் கூறியுள்ளார்.
