உலகின் மிகப்பெரிய மைதானம் – புகைப்படத்தை வெளியிட்ட பிசிசிஐ !

உலகின் மிகப்பெரிய அகமதாபாத் மைதானம்
Last Modified வியாழன், 20 பிப்ரவரி 2020 (10:16 IST)
உலகின் மிகப்பெரிய அகமதாபாத் மைதானம்

உலகின் மிகப்பெரிய கிரிக்கெட் மைதானமாக உருவாகி வரும் அகமதாபாத் மைதானத்தின் முழு வடிவ புகைப்படத்தை பிசிசிஐ வெளியிட்டுள்ளது.

ஆஸ்திரேலியாவின் மெல்போர்ன் மைதானம்தான் இது வரை உலகின் மிகப்பெரிய கிரிக்கெட் மைதானமாக இருந்து வருகிறது. இந்த மைதானத்தில் ஒரு லட்சம் பேர் அமர்ந்து பார்க்கலாம். இந்நிலையில் அதை விட பெரிய மைதானமாக மொடீரா ஸ்டேடியம் வடிவமைக்கப்பட்டு வருகிறது.

இந்த மைதானம் 63 ஏக்கர்களில், 110,000 ரசிகர்கள் அமர்ந்து பார்க்கும் வகையில் உருவாக்கப்படுகிறது. 700 கோடி ரூபாய் செலவில் மைதானத்தின் உட்புறம் மற்றும் வெளிப்புறத்துக்கான கட்டுமானப் பணிகள் நடைபெற்று வருகின்றன. ஜனவரி 2020-ல் ஸ்டேடியம் முழுதும் கட்டி முடிக்கப்பட்டிருக்கும் என அறிவிக்கப்பட்டுள்ளது.

இந்த ஸ்டேடியத்தில் மார்ச் மாதம் நடக்க இருந்த ஆசிய லெவன் மற்றும் உலக லெவன் அணிகளுக்கான போட்டியை நடத்த பிசிசிஐ தலைவர் விரும்பினார். ஆனால் கட்டுமானப் பணிகள் முடியாததால் பங்களாதேஷுக்கு அந்த போட்டிகள் மாற்றப்பட்டன. இந்நிலையில் ரசிகர்களை மகிழ்விக்கும் விதமாக அந்த மைதானத்தின் முழுவடிவப் புகைப்படத்தை வெளியிட்டுள்ளது.




இதில் மேலும் படிக்கவும் :