2-வது டெஸ்ட்: இந்தியாவுக்கு வெற்றி வாய்ப்பு

2-வது டெஸ்ட்: இந்தியாவுக்கு வெற்றி வாய்ப்பு

ஜமைக்காவில் உள்ள கிங்ஸ்டனில் நடந்து வந்த, இந்தியா- மேற்கிந்திய தீவுகள் 2 - வது டெஸ்ட் கிரிக்கெட் மழையால் பாதிக்கப்பட்டது.

இந்திய அணி முதல் இன்னிங்சில் 9 விக்கெட் இழப்புக்கு 500 ரன் குவித்து டிக்ளேர் செய்தது. அதை தொடர்ந்து, இரண்டாவது இன்னிங்சில் மேற்கிந்திய தீவுகள், 10.2-வது ஓவரில் 1 விக்கெட் இழப்புக்கு 33 ரன் எடுத்து இருந்த போது மழையால் ஆட்டம் மீண்டும் தடைபட்டது. மழை விட்ட பிறகு விளையாடிய மேற்கிந்திய தீவுகள் தடுமாறியது. முகமது ‌ஷமியின் அபாரமான பந்து வீச்சால் பிராவோ (20 ரன்), சாமுவேல்ஸ் (0) ஆட்டம் இழந்தனர். பிராத் வெயிட் (23 ரன்) விக்கெட்டை அமித்மிஸ்ரா கைப்பற்றினார்.

மேற்கிந்திய தீவுகள் அணி 15.5 ஓவர்களில் 4 விக்கெட் இழப்புக்கு 48 ரன் எடுத்து இருந்தபோது மழையால் ஆட்டம் மீண்டும் பாதிக்கப்பட்டது. பலத்த மழையால் நேற்றைய ஆட்டம் அதோடு நிறுத்தி வைக்கப்பட்டது. மழையால் மேற்கிந்திய தீவுகள் அணி நேற்றைய ஆட்டத்தில் தப்பித்தது. கடைசிநாள் ஆட்டத்தில், இந்தியா இன்னிங்ஸ் வெற்றி பெற அதிக வாய்ப்பு இருக்கிறது.