நானும் ஜெயக்குமாரும் உடலுறுப்புத் தானம் செய்துள்ளோம் –விஜயபாஸ்கர் அறிவிப்பு !
உடலுறுப்புத்தானம் சம்மந்தப்பட்ட நிகழ்ச்சி ஒன்றில் கலந்துகொண்ட அமைச்சர் விஜயபாஸ்கர் உடலுறுப்புத்தானம் செய்ய பதிவு செய்துள்ளதாகக் கூறியுள்ளார்.
உடலுறுப்புத் தின விழிப்புணர்வு முகாமை நேற்று அமைச்சர் ஜெயக்குமாரும் அமைச்சர் விஜயபாஸ்கரும் சென்னை ஸ்டான்லி மருத்துவமனையில் கலந்துகொண்டனர். அப்போது உடலுறுப்புத்தானம் வழங்கிய 5 கொடையாளிகளின் குடும்பங்களுக்கு நினைவுப்பரிசை வழங்கினர்.
இந்த நிகழ்ச்சியில் பேசிய அமைச்சர் விஜயபாஸ்கர் ‘ நானும் அமைச்சர் ஜெயக்குமாரும் உடலுறுப்புத்தானம் செய்ய பதிவு செய்துள்ளோம். அனைவரும் உடலுறுப்புத்தானம் செய்ய முன்வரவேண்டும். தமிழகம் உடலுறுப்பு தானத்தில் சிறந்து விளங்குகிறது. அதற்காக மத்திய அரசு விருது வழங்கியுள்ளது.’ எனத் தெரிவித்தார்.
