சென்னை கோயம்பேடு சந்தையில் காய்கறிகளின் விலை கிடுகிடு உயர்வு: பொதுமக்கள் அதிர்ச்சி

சென்னை கோயம்பேடு காய்கறிச் சந்தையில் காய்கறிகளின் விலை உச்சத்திற்கு சென்றதால் பொதுமக்கள் கடும் அதிர்ச்சி அடைந்துள்ளனர் 

கடந்த இரண்டு வாரங்களுக்கு முன்னர் ஒரு கிலோ தக்காளி 20 ரூபாய்க்கு விற்கப்பட்ட நிலையில் தற்போது ஒரு கிலோ தக்காளி 70 ரூபாய் முதல் 80 ரூபாய் வரை விற்பனையாகிறது 

ஒரு காளிபிளவர் நாற்பது ரூபாய் என்றும் ஒரு முட்டைகோஸ் ஐம்பது ரூபாய் என்றும் உருளைக்கிழங்கு ஒரு கிலோ 40 ரூபாய் என்று விற்பனை ஆகி வருவதால் பொதுமக்கள் கடும் அதிர்ச்சி அடைந்துள்ளனர்

காய்கறி விலை ஏற்றம் காரணமாக கோயம்பேடு காய்கறி சந்தையில் வியாபாரம் மந்தமாக இருப்பதாகவும் மக்கள் காய்கறி விலையைக் கேட்டு அலறி அடித்துக் கொண்டு திரும்பி வருவதாகவும் தகவல்கள் வெளியாகியுள்ளன 

ஏற்கனவே பெட்ரோல், டீசல் சமையல் கேஸ் விலை உயர்ந்துள்ள நிலையில் தற்போது அத்தியாவசிய பொருட்களில் ஒன்றான காய்கறிக விலையும் உயர்ந்திருப்பது பொதுமக்கள் மத்தியில் பெரும் அதிர்ச்சியை ஏற்படுத்தி உள்ளது