கணவருடன் காவேரி மருத்துவமனைக்கு விரைந்த கனிமொழி
திமுக தலைவர் கருணாநிதி கடந்த பத்து நாட்களுக்கும் மேலாக சென்னை ஆழ்வார்பேட்டையில் உள்ள காவேரி மருத்துவமனையில் உடல்நலக்கோளாறு காரணமாக சிகிச்சை பெற்று வரும் நிலையில் நேற்றிரவு அவருடைய உடல்நிலை திடீரென கவலைகிடமாகியது. இதனால் தொண்டர்கள் கூட்டம் மருத்துவனை முன் குவிய தொடங்கியதால் பெரும் பரபரப்பு ஏற்பட்டது.
இந்த நிலையில் நேற்றிரவு கருணாநிதியின் மகளும் ராஜ்யசபா எம்பியுமான கனிமொழி மருத்துவமனையில் இருந்து வீடு திரும்பினார். ஆனால் திடீரென மீண்டும் மருத்துவமனைக்கு திரும்பிய கனிமொழி விடிய விடிய மருத்துவமனையிலேயே இருந்தார்.
இந்த நிலையில் இன்று காலை மீண்டும் வீடு திரும்பிய கனிமொழி எம்பி, சற்றுமுன்னர் தனது கணவர் அரவிந்தனுடன் அவர் மீண்டும் காவேரி மருத்துவமனைக்கு வருகை தந்துள்ளார். கருணாநிதியை பார்க்க கனிமொழியின் கணவர் வருகை தந்துள்ளது பெரும் பரபரப்பை ஏற்ப்டுத்தியுள்ளது.
