திமுக எம்.பி., ஜெகத்ரட்சகன் அலுவலகத்தில் திடீர் ரெய்டு..வருமான வரித்துறையினர் அதிரடி..!

அரக்கோணம் தி.மு.க எம்.பி ஜெகத்ரட்சகன் அவர்களுக்கு சொந்தமான சென்னை அடையாறு வீடு மற்றும் அலுவலகம் ஆகிய பகுதிகளில் இன்று அதிகாலை திடீரென வருமான வரித்துறை அதிகாரிகள் சோதனை நடத்தி வருவதாக தகவல் வெளியாகியுள்ளது.

சென்னை  தி.நகரில் உள்ள ஹோட்டல், வேளச்சேரி பகுதியில் உள்ள பல் மருத்துவமனை, அடையாறு பகுதியில் உள்ள ஜெகத்ரட்சகன் வீடு, அலுவலகங்கள் மற்றும் பல்வேறு இடங்களில் வருமானவரி அதிகாரிகள் ரெய்டு செய்து வருகின்றனர்.

தமிழகம் முழுவதும் 30-க்கும் மேற்பட்ட இடங்களில் இந்த ரெய்டு நடைபெற்று வருவதாக கூறப்படுகிறது. இந்த ரெய்டு காரணமாக திமுக வட்டாரங்களில் பெரும் பரபரப்பு ஏற்பட்டுள்ளது.

Edited by Siva