சூப்பர் கம்ப்யூட்டரையே தோற்கடித்த சிறுவனுக்கு தமிழக முதல்வர் பாராட்டு!

உலக செஸ் சாம்பியன் கார்சலனை தோற்கடித்த தமிழக சிறுவன் பிரக்ஞானந்தாவுக்கு தமிழக முதல்வர் மு க ஸ்டாலின் பாராட்டுகளைத் தெரிவித்துள்ளார்.

இணையம் வழியாக நடைபெறும் ஏர்திங்ஸ் மாஸ்டர்ஸ் செஸ் போட்டியில் கார்ல்சனை எதிர்கொண்டார் பிரகானந்தா. இதற்கு முன் தொடர் வெற்றிகளையே பெற்று வந்த கார்ல்சன், நேற்று பிரக்ஞானந்தாவிடம் தோற்றார். இப்போட்டியின் முடிவில் 8 புள்ளிகளுடன்  12 வது இடத்தில் உள்ளார். 1 புள்ளிகளுடன் 6 வது இடத்தில் கார்ல்சன் உள்ளார். இதையடுத்து பிரக்ஞானந்தாவுக்கு உலகம் முழுவதும் இருந்து பாராட்டுகள் குவிந்துள்ளனர்.

இதையடுத்து தமிழக முதலமைச்சர் மு க ஸ்டாலின் பிரக்ஞானந்தாவை அழைத்து பாராட்டி பரிசு வழங்கினார். மேலும் தன்னுடைய சமூகவலைதளப் பக்கத்தில் ‘சூப்பர் கம்ப்யூட்டரையே தோற்கடித்த - தான் பார்த்து வியந்த உலகின் சிறந்த #Chess ஆட்டக்காரரான கார்ல்சனை வீழ்த்தி ஒட்டுமொத்த உலகையே திகைப்பில் ஆழ்த்தியுள்ள தமிழ்நாட்டைச் சேர்ந்த 16 வயது #GrandMaster பிரக்ஞானந்தா-வுக்கு எனது மனமார்ந்த பாராட்டுகள். மென்மேலும் வெற்றிகள் குவியட்டும்.’ எனப் பாராட்டியுள்ளார்.