ரஜினியின் பிறப்பையே மாற்றிய அர்ஜூன் சம்பத்!
ரஜினிகாந்த் கிருஷ்ணகிரி மண்ணின் மைந்தன் என இந்து மக்கள் கட்சி அர்ஜூன் சம்பத் பேட்டியளித்திருப்பது சர்ச்சையை ஏற்படுத்தியுள்ளது.
சமீபத்தில் இந்து மக்கள் கட்சி அர்ஜூன் சம்பத், ரஜினிகாந்த் கிருஷ்ணகிரி மண்ணின் மைந்தன். ஒசூர் மாவட்டத்தில் உள்ள நாச்சிகுப்பத்தில் பிறந்தவர். ரஜினிகாந்த் ஆன்மீக அரசியல் கொள்கைகளை முன்நிறுத்துவதால் அவரை தமிழர் இல்லை எனக் கூறி வருகிறார்கள்.
ரஜினி ஆன்மீக அரசியல் கொள்கைகள் தமிழகத்தில் உள்ள இரண்டு திராவிட இயக்கங்களையும் வீழ்த்தி சிஸ்டத்தை சரி செய்யும். நிச்சயமாக ரஜினி தமிழகத்தில் அரசியல் மாற்றத்தை உருவாக்குவார்.
தமிழகத்தில் வரக்கூடிய சட்டமன்றத் தேர்தலில் ஆன்மீக அரசியலா, திராவிட அரசியலா என்ற போட்டி இருக்கும். இது ரஜினிகாந்தின் அறைகூவல். ரஜினி தன்னுடைய பிரச்சாரத்தை திட்டமிட்டுள்ளார்.
ரஜினியின் பிரச்சாரம் மக்கள் மத்தியில் ஒரு எழுச்சி, புரட்சியை கொண்டு வரும். அப்போது திராவிட இருள் மற்றும் திராவிட மாயையிலிருந்து தமிழகத்தை ஆன்மீக அரசியல் மீட்கும் என பேட்டியளித்துள்ளார்.
