உன் மடி; உன் விழி ;
உன் தோள் ; உன் மொழி ;
உன் நினைவு ; உன் சுவாசம் என
உன் உயிரினும் மேலான அன்பு உடன்பிறப்புக்கள்
வழி மீது விழி வைத்து காத்து இருக்கிறார்கள்
எழுந்து வா எங்கள் தலைவா !
உன் விரலுக்கும், தமிழுக்கும் என்ன சண்டையா ?
தாளா முடியாதத் தவிப்பில் உன் செம்மொழி
எழுந்து வா எங்கள் தலைவா !
நீதியின் பாதையில் ஜீவன் உண்டு
அந்த பாதையில் மரணம் இல்லை
எழுந்து வா எங்கள் தலைவா !
நீ படிக்காதவன் தான் என் தகப்பன்னைப் போல !
என்னை படிக்க வைத்தவன் !
எனக்குப் பிறகு என் குடும்பம் மொத்தமும் பட்டதாரிகள் !
என் சகோதரிகளின் பெண் பிள்ளைகளை
படிக்க வைத்துக்கொண்டு இருக்கிறாய் !
பட்டம் பெற அழைக்கிறோம்
எழுந்து வா எங்கள் தலைவா !
நீ தூசி அல்ல ! பறந்துப் போவதற்கு
நீ துகள் அல்ல ! துவண்டுப் போவதற்கு
ஆயிரம் கைகள் மறைத்து நின்றாலும் மறையாத
எப்போதும் பிரகாசிக்கும் ஆதவன் நீ !
எழுந்து வா எங்கள் தலைவா !
சமூக நீதிக்கான உன் பாதையில் தான்
எத்தனை கரு நாகங்கள் !
பேய்களுடனும் பிசாசுகளுடனும் நீ களம் ஆடிய போர்களம் அது !
உன் சமத்துவபுரங்கள் அழைக்கிறது !
எழுந்து வா எங்கள் தலைவா !
தெள்ளுத்தமிழில் கவிப்பாட !
உன் துள்ளுத்தமிழ் உரை கேட்க !
உன் தொல்காப்பியர் பூங்கா அழைக்கிறது !
எழுந்து வா எங்கள் தலைவா !
நீ நாத்திகன் தான் !
மண் சோறும் இல்லை
பால் குடங்கள் இல்லை
தீ சட்டிகள் இல்லை
தீ மிதித்தல் இல்லை
திருவாரூர் தியாகராஜர் கோயில் பெரிய தேர் அழைக்கிறது !
எழுந்து வா எங்கள் தலைவா !
கடை மடைத் தொட்ட காவேரியைக் காண !
நீ பிறந்த மண் திருக்குவளைக் காண !
செந்தமிழே !
செம்மொழியே !
சாயாத புகழே !
சிங்க குரலே !
அண்ணாவின் இதயமே !
திராவிட நூலகமே !
எழுந்து வா எங்கள் தலைவா !
இரா. காஜா பந்தா நவாஸ்
