நல்லெண்ணெய் உடல் ஆரோக்கியத்திற்கு ஏற்றது என கூறப்படுவது ஏன்...?

சமையலுக்கு பயன்படுத்தப் படும் மற்ற எண்ணெய்களான கடுகு மற்றும் தேங்காய் எண்ணெய்யை விட, இந்த எண்ணெய் மிகவும் லேசாக இருப்பதால், இதனை உணவில் சேர்த்து சாப்பிடும் போது, குடலியக்கமானது சீராக செயல்பட்டு, செரிமானப் பிரச்சனை வராமல் இருக்கும்.

நல்லெண்ணெய்யில் உள்ள அதிக அளவு மக்னேசியம் உள்ளது. இது இன்சுலின் சுரப்பை தடுக்கும் பொருளை எதிர்த்து போராடி, உடலில் நீரிழிவு நோய் வருவதைத் தடுக்க உதவுகிறது.

நல்லெண்ணெய்யில் ஜிங்க் என்னும் உடல் ஆரோக்கித்திற்கு இன்றியமையாத கனிமச்சத்து அதிகம் நிறைந்துள்ளது. இது எலும்புகளில் கால்சியம் அதிக அளவு இருக்ப்பதை உறுதி செய்கிறது. எனவே ஆரோக்கியமான மற்றும் வலுவான எலும்புகளுக்கு கால்சியம் நிறைந்த உணவுகளுடன், நல்லெண்ணெய்யையும் சாப்பிடுவது நல்லது.

நல்லெண்ணெய்யில் ஆன்டி-ஸ்பாஸ்மோடிக் பண்புகள் நிறைந்திருப்பதால், இதன் மூலம் சமைக்கப் பட்ட உணவை சாப்பிடும் போது சுவாசப் பாதையில் ஏற்படும் பிடிப்புகள் நீங்கி, சரியான முறையில் சுவாசிக்க உதவியாக இருக்கும். அதிலும் குறிப்பாக ஆஸ்துமா நோயாளிகள், இதனை அதிகம் உணவில் சேர்ப்பது நல்லது.

நல்லெண்ணெய்யில் மக்னீசியம் உள்ளதால், இரத்த அழுத்தத்தைக் குறைக்க பெரிதும் உதவியாக இருக்கும். அதிலும் குறிப்பாக நீரிரிவு நோயாளிகள் உயர் இரத்த அழுத்தத்தால் பாதிக்கப்பட்டு இருந்தால், அவர்கள் நல்லெண்ணெய்யை சாப்பிடுவது நல்ல பலனைத் தரும்.

தினமும் காலையில் எழுந்து நல்லெண்ணெய்யை 15 முதல் 20 நிமிடங்கள் வாயில் வைத்து நன்றாக அலசி வாயை கொப்பளித்தால், பற்களில் தங்கியிருக்கும் கிருமிகள் மற்றும் சொத்தைகள் நீங்குவதோடு, பற்கள் நன்கு பளிச்சென்று ஆரோக்கியமாக இருக்கும்.