தொடர்புடைய செய்திகள்
- பெருங்காயத்தை உணவில் அவ்வப்போது சேர்த்துக்கொள்வதால் என்ன நன்மைகள்....?
- முருங்கைக்காயை சாப்பிடுவதால் இத்தனை அற்புத நன்மைகள் உள்ளதா...?
- தினமும் தோப்புக்கரணம் செய்வதனால் கிடைக்கும் நன்மைகள் என்ன...?
- தினம் ஒரு கீரையை உணவில் சேர்த்துக்கொள்வதால் இத்தனை நன்மைகளா...!!
- கொள்ளுவில் என்னென்ன சத்துக்கள் உள்ளது தெரியுமா...?
ரம்பூட்டான் பழத்தில் உள்ள சத்துக்களும் அதன் பயன்களும் !!
ரம்பூட்டான் பழத்தின் சதைப்பகுதி நுங்கு போன்று வழுவழுப்பாகவும், மென்மையாகவும், புளிப்பு கலந்த இனிப்பு சுவையுடன் நீர்ச்சத்து மிகுந்து காணப்படுகிறது. சதையின் நடுவில் பழுப்பு வண்ண கொட்டை ஒன்று இருக்கும். இப்பழம் முட்டை வடிவத்தில் 1-2 அங்குலத்தில் காணப்படுகிறது. இப்பழ மரத்தின் பூக்கள் அதன் தனிப்பட்ட நறுமணத்தின் காரணமாக பூங்கொத்துகளில் இடம் பெறுகின்றன.
இந்த பழத்தில் கலோரி, வைட்டமின்-சி , இரும்புச்சத்து, நியாசின், ஆன்டி ஆக்சிடென்ட், கார்போஹைட்ரேட், புரதம் ஆகிய சத்துக்கள் உள்ளது. ரம்பூட்டான் பழம் இனிப்பு மற்றும் புளிப்பு சுவை கொண்டது. இதன் மேற்புறம் முள்ளுமுள்ளாக காணப்படும். உடல் பருமனால் அவதிப்படுவர்கள் ரம்பூட்டானை அடிக்கடி சேர்த்துக் கொள்ளலாம். இது உடல் பருமனைக் கட்டுப்படுத்த பயன்படுகிறது.
உடலில் கெட்ட கொழுப்பு சேரவிடாமல் ரம்பூட்டான் பழம் தடுக்கிறது. இதனால் மாரடைப்பு அபாயம் குறைகிறது. ரம்பூட்டான் பழமானது ஆஸ்துமா மற்றும் நீரிழிவு நோயைக் கட்டுப்படுத்த செய்கிறது. கண் ஆரோக்கியத்துக்கும் பெரிதும் உதவுகிறது. மேலும் உடல் சீரான வளர்ச்சி பெறுவதற்கு, இந்தப் பழம் முக்கிய பங்காற்றுகிறது.
ரம்பூட்டான் பழம் அடிக்கடி சாப்பிடுவதால் தலைமுடி, தோல் மற்றும் கை, கால் நகங்கள் ஆகியவை பளபளப்புடன் இருக்க உதவி செய்கிறது. இப்பழத்தில் உள்ள இரும்புசத்து உடல் உறுப்புகள் அனைத்தும் சீராக இயங்க செய்கிறது. எலும்பு மண்டல வளர்ச்சிக்கு உதவக்கூடிய கால்சியம் மற்றும் பாஸ்பரஸ் போன்ற சத்துக்கள் இப்பழத்தில் உள்ளது.
ரம்பூட்டான் பழத்தின் தோல் பகுதி சீதபேதியைக் குணப்படுத்தும். ரம்பூட்டான் பழத்தில் நீர்ச்சத்து அதிகம் இருப்பதால், நாக்கு வறண்டு போவதை தடுக்கும். இப்பழத்தில் உள்ள கார்போஹைட்ரேட், புரதம் ஆகிய சத்துக்கள் உடல் உழைப்புக்குத் தேவையான ஆற்றலை அதிகரிக்க உதவுகிறது.
அடுத்த கட்டுரையில்
