கொரோனா பாதிப்பு – ஆறாவது இடத்துக்கு முந்திய இந்தியா!
கொரோனா பாதிப்பில் இந்தியா அதிகம் பாதித்த நாடுகளின் பட்டியலில் 6 ஆவது இடத்துக்கு முன்னேறியுள்ளது.
கொரோனா வைரஸால் இன்று உலகமே தலைகீழாக மாறியுள்ளது. இந்த வைரஸில் இருந்து மக்களைப் பாதுகாக்க ஊரடங்கு உலகம் முழுவதும் அறிவிக்கப்பட்டுள்ளது. இந்தியாவில் 2 மாதங்களுக்கும் மேலாக ஊரடங்கு அறிவிக்கப்பட்டாலும் நாளுக்கு நாள் எண்ணிக்கை அதிகமாகிக் கொண்டே செல்கிறது.
இதனால் இந்தியாவில் பாதிப்பு எண்ணிக்கை 2.3 லட்சத்தைத் தாண்டியுள்ளது. இதன் மூலம் இத்தாலியை பின்னுக்குத் தள்ளி 6 ஆவது இடத்தில் உள்ளது. ஊரடங்கு அறிவிக்கப்பட்ட பின்னர் கொரோனா பாதிப்பு அதிகமாகிக் கொண்டே செல்வது மக்கள் மத்தியில் பீதியை உருவாக்கி உள்ளது.
