வியாழன், 28 மார்ச் 2024
  1. செய்திகள்
  2. செய்திகள்
  3. தேசியச் செய்திகள்
Written By
Last Modified: செவ்வாய், 21 மே 2019 (08:47 IST)

ராஜீவ் காந்தியின் 28வது நினைவு தினம்: சோனியா, ராகுல் அஞ்சலி!

முன்னாள் பிரதமர் ராஜீவ் காந்தியின் 28வது நினைவு தினம் இன்று நாடு முழுவதும் அனுசரிக்கப்பட்டு வரும் நிலையில் டெல்லியில் உள்ள ராஜீவ் காந்தி சமாதியில் இன்று சோனியா காந்தி, ராகுல்காந்தி, பிரியங்கா காந்தி ஆகியோர் மலர்வளையம் வைத்து அஞ்சலி செலுத்தினர்
 
முன்னாள் பிரதமர் ராஜீவ் காந்தி கடந்த 1991ஆம் ஆண்டு மே 21ஆம் தேதி தமிழகத்தில் உள்ள ஸ்ரீபெரும்புதூர் பகுதிக்கு தேர்தல் பிரச்சாரத்திற்கு வந்தபோது தற்கொலைப்படை தீவிரவாதி ஒருவரால் கொல்லப்பட்டார். இதுகுறித்த வழக்கு ஒன்றில் கைது செய்யப்பட்ட 7 பேர் கடந்த 25 ஆண்டுகளுக்கும் மேல் சிறையில் தண்டனை அனுபவித்து வருகின்றனர் என்பது குறிப்பிடத்தக்கது
 
இந்த நிலையில் இன்று ராஜீவ் காந்தியின் 28வது நினைவு தினம் டெல்லியில் அனுசரிக்கப்பட்டுள்ளது. ராஜீவ் காந்தியின் குடும்பத்தினர் மட்டுமின்றி முன்னாள் குடியரசுத் தலைவர் பிரணாப் முகர்ஜி, முன்னாள் பிரதமர் மன்மோகன் சிங் ஆகியோரும் அவரது சமாதியில் அஞ்சலி செலுத்தினர்
 
அதேபோல் ஸ்ரீபெரும்புதூரில் அமைக்கப்பட்டுள்ள ராஜீவ் காந்தி நினைவிடத்தில் இன்று காலை தமிழக காங்கிரஸ் பிரமுகர்கள் அஞ்சலி செலுத்தினர்