திங்கள், 22 ஏப்ரல் 2024
  1. செய்திகள்
  2. செய்திகள்
  3. தேசியச் செய்திகள்
Written By Senthil Velan
Last Updated : புதன், 21 பிப்ரவரி 2024 (15:53 IST)

சமாஜ்வாதி - காங்கிரஸ் தொகுதி பங்கீடு நிறைவு..! காங்கிரஸுக்கு 17 தொகுதிகள் ஒதுக்கீடு.!!

up election
மக்களவைத் தேர்தலில் உத்திரபிரதேசத்தில் சமாஜ்வாதி காங்கிரஸ் இடையே தொகுதி பங்கீடு தொடர்பான பேச்சுவார்த்தை நிறைவடைந்துள்ளது. சமாஜ்வாதி 62 தொகுதிகளிலும், காங்கிரஸ் 17 தொகுதிகளிலும் போட்டியிடும் என அறிவிக்கப்பட்டுள்ளது.
 
மக்களவை தேர்தலுக்கான தேதி விரைவில் அறிவிக்கப்பட உள்ள நிலையில், கூட்டணி தொடர்பான பேச்சுவார்த்தையில் அரசியல் கட்சிகள் தீவிரமாக ஈடுபட்டு வருகின்றன.
 
மூன்றாவது முறையாக வெற்றி பெற்று மத்தியில் மீண்டும் ஆட்சி அமைக்க பாஜக பல்வேறு வியூகங்களை வகுத்து வருகிறது. அதேபோல் பாஜகவுக்கு எதிராக எதிர்க்கட்சிகள் ஒன்று திரண்டுள்ள இந்தியா கூட்டணி, வரும் தேர்தலில் பாஜகவை வீழ்த்த தீவிரம் காட்டி வருகின்றது. 
 
இந்நிலையில் 80 தொகுதிகளை கொண்ட உத்தர பிரதேசத்தில் சமாஜ்வாதி காங்கிரஸ் இடையே தொகுதி பங்கீடு தொடர்பான பேச்சு வார்த்தை நடைபெற்று வந்தது.

பேச்சுவார்த்தை சுமுகமாக முடிவடைந்த நிலையில்,  62 தொகுதிகளில் அகிலேஷ் யாதவ் தலைமையிலான சமாஜ்வாதி போட்டியிடும் என அறிவிக்கப்பட்டுள்ளது. காங்கிரஸுக்கு 17 தொகுதிகள் ஒதுக்கப்பட்டுள்ள.

 
இந்தியா கூட்டணியில் காங்கிரஸ் – சமாஜ்வாதி கட்சி இடையே ஏற்பட்டுள்ள தொகுதி உடன்பாடு முக்கிய திருப்பமாக பார்க்கப்படுகிறது.