#Reject_Zomato - ஹேஷ்டேக்கில் வறுபடும் ஜொமைட்டோ!

#Reject_Zomato என்ற ஹேஷ்டேக் சமூக வலைத்தளமான டிவிட்டரில் டிரெண்டாக்கப்பட்டு வருகிறது. 

மதுரையைச் சேர்ந்த ஒருவர் உணவு டெலிவரி வழங்கும் நிறுவனமான ஜொமைட்டோவிடம் ஆர்டர் செய்த உணவில் பாதிக்குமேல் வரவில்லை என்று புகார் செய்தார். மேலும் அவர் கஸ்டமர் கேரை தொடர்பு கொண்ட போது உங்களுக்கு பிரச்சினையை விளக்க இந்தியில் விளக்கத் தெரியவில்லை. இந்தியாவில் இருந்துகொண்டு தேசிய மொழியான ஹிந்தி தெரியாமல் ஏன் இருக்கிறீர்கள்? அதனால் உங்களுக்கு பணம் திரும்பக் கிடைக்காது என கூறியதாக தெரிகிறது. 

இதனை அந்த நபர் தனது டுவிட்டரில் இதுகுறித்து பதிவு செய்துள்ள நிலையில் ஜொமைட்டோ நிறுவனத்திற்கு எதிராக பெரும் கொந்தளிப்பு ஏற்பட்டுள்ளது. ஜொமைட்டோ நிறுவனம் மன்னிப்பு கேட்க வேண்டும் என்று எதிர்ப்புகள் எழுந்துள்ளது. 

மேலும் #Reject_Zomato என்ற ஹேஷ்டேக் சமூக வலைத்தளமான டிவிட்டரில் டிரெண்டாக்கப்பட்டு வருகிறது. இந்த ஹேஷ்டேக்கின் கீழ் ஜொமைட்டோவிற்கு எதிராக பதிவிடப்பட்டு வருகிறது.