வியாழன், 29 பிப்ரவரி 2024
  1. செய்திகள்
  2. தகவல் தொழில்நுட்பம்
  3. செய்திகள்
Written By Prasanth.K
Last Modified: திங்கள், 7 ஆகஸ்ட் 2023 (16:23 IST)

வயர் கனெக்சன் தேவையில்ல.. வெளியானது Airtel Xstream AirFiber 5G! – என்னென்ன சிறப்பம்சங்கள் தெரியுமா?

Airtel Air Fiber 5G
இந்தியாவின் முதல் Air Fiber சேவையான Airtel Xstream AirFiber 5G சேவையை ஏர்டெல் நிறுவனம் தொடங்கியுள்ளது.



இந்தியா முழுவதும் இணைய பயன்பாடு அதிகரித்துள்ள நிலையில் ஸ்மார்ட்போன், ஸ்மார்ட்டிவி என அனைத்தும் ஸ்மார்ட் சாதனங்களாக மாறி வருகின்றன. இந்நிலையில் பல வீடுகள், அலுவலகங்களும் இணைய சேவையை பெற்று வருகின்றன. இதற்காக BSNL, Airtel, Jio உள்ளிட்ட பல தொலைத்தொடர்பு நிறுவனங்கள் Wired Fiber மூலம் பல பகுதிகளில் இணைய சேவை அளிக்கப்பட்டு வருகிறது.

ஆனால் வயர் கொண்டு செல்ல முடியாத இடங்களில் இணைய சேவை அளிப்பது சிக்கலான விஷயமாக இருந்து வருகிறது. இதனால் செல்போன் போன்று சிக்னல்களில் இணைய சேவையை வழங்கும் Air Fiber வசதியை அறிமுகம் செய்வதில் தொலைதொடர்பு நிறுவனங்கள் போட்டி போட்டு வருகின்றன.

அந்த வகையில் இந்தியாவில் முதல் ஏர் ஃபைபர் சேவையான ஏர்டெல்லின் Airtel Xstream AirFiber 5G அறிமுகமாகியுள்ளது. இந்த ஏர் ஃபைபர் சாதனத்தை வாங்கி வீட்டில் வைத்தாலே போதும் 5G தரத்திலான இணைய வசதியை பயன்படுத்திக் கொள்ளலாம்.

ஒரு Airtel Xstream AirFiber –ல் சுமார் 64 டிவைஸ்களை கனெக்ட் செய்து கொள்ள முடியும். Plug and Play முறையிலான இந்த Airtel Xstream AirFiber மின்சாரத்தில் இயங்கும். இதில் WiFi 6 அதிவேக தொழில்நுட்பம் உள்ளது. 100 Mbps வேகத்தில் டேட்டா டவுன்லோட் ஸ்பீட் இருக்கும். இதற்கான மாத கட்டணம் ரூ.799 என நிர்ணயிக்கப்பட்டுள்ளது. ரூ.2500 டெபாசிட் கட்டணம். தற்போது இந்த சேவை டெல்லி மற்றும் மும்பையில் மட்டும் அறிமுகப்படுத்தப்பட்டுள்ளது. விரைவில் இந்தியா முழுவதும் அனைத்து பகுதிகளிலும் ஏர் ஃபைபர் சேவை விரிவுப்படுத்தப்படவுள்ளது.

Edit by Prasanth.K