காதலை சொல்லிய ரசிகை.. வெட்கத்தில் மூழ்கிய ரிஷப் பண்ட்
இந்திய கிரிக்கெட் வீரர் ரிஷப் பண்டிடம் அவரது ரசிகர் ஒருவர் காதலை கூற, அதற்கு ரிஷப் பண்ட் வெட்கப்பட்ட வீடியோ தற்போது வைரலாகி வருகிறது.
இந்தியா-தென் ஆஃப்ரிக்காவுக்கு இடையேயான 3 ஆவது டி 20 போட்டி பெங்களூர் சின்னசாமி ஸ்டேடியத்தில் நடைபெற்றது. அதற்கு முந்திய நாளில் மைதானத்தில் பயிற்சி எடுத்து கொண்டிருந்தபோது கிரிக்கெட் வீரர் ரிஷப் பண்ட் தனது ரசிகர்களை சந்தித்து ஆட்டோகிராஃப் வழங்கினார்.
அப்போது ஒரு ரசிகை, திடீரென அவரிடம் ஐ லவ் யூ என்று கூறினார். அதற்கு ரிஷப் பண்ட் வெட்கப்பட்டு சிரித்தார். இதனை அந்த ரசிகை வீடியோ எடுத்து இணையத்தில் வெளியிட்டுள்ளார். இந்த வீடியோ தற்போது வைரலாகி வருகிறது.
