இந்தியா – ஆஸ்திரேலியா டி20 தொடர்; இன்று இறுதி போட்டி! – வெற்றியுடன் நிறைவு செய்யுமா இந்தியா?

இந்தியா – ஆஸ்திரேலியா இடையேயான டி20 தொடரின் 5வது மற்றும் இறுதி போட்டி இன்று நடைபெறுகிறது.

உலக கோப்பை இறுதி போட்டியில் ஆஸ்திரேலியாவிடம் இந்தியா தோல்வியடைந்தது இந்திய ரசிகர்களை சோகத்தில் ஆழ்த்திய நிலையில் அவர்களை மீண்டும் புத்துணர்ச்சி ஆக்கும் விதமாக இந்தியா – ஆஸ்திரேலியா அணிகளுக்கு இடையேயான 5 போட்டிகள் கொண்ட டி20 தொடர் அறிவிக்கப்பட்டது.

இதில் முதல் போட்டியிலேயே வெற்றியுடன் ஆட்டத்தை தொடங்கிய இந்தியா 3-1 என்ற கணக்கில் முன்னிலையில் உள்ளதுடன் தொடரையும் வென்றுள்ளது. இந்நிலையில் இன்று 5வது இறுதி டி20 போட்டி நடைபெறுகிறது. இந்த போட்டி இறுதி போட்டி என்பதால் இந்தியா அணி ஆஸ்திரேலியாவை வீழ்த்தி வெற்றி கணக்குடன் போட்டியை நிறைவு செய்யுமா என்ற எதிர்பார்ப்பு எழுந்துள்ளது.

இந்திய கேப்டனாக சூர்யகுமார் யாதவ் சிறப்பாக செயல்பட்டு வருகிறார். போட்டிகளின் இறுதியில் ரின்கு சிங் இறங்கி அடிக்கும் சிக்ஸர், பவுண்டரிகளும், வின்னிங் ஷாட்களும் ரசிகர்களை உற்சாகத்தில் ஆழ்த்தி வருகிறது. இந்த மேஜிக் இன்றைய போட்டியிலும் தொடரும் என எதிர்பார்க்கப்படுகிறது.

Edit by Prasanth.K