ஜாதவை தூக்கிட்டு ராயுடுவை போடுங்க! கலகலக்கும் சிஎஸ்கே –நைட் ரைடர்ஸ் ப்ளேயர்ஸ் லிஸ்ட்!

Publish: Wed, 7 Oct 2020 (11:36 IST) Updated: Wed, 7 Oct 2020 (11:38 IST)

அரபு அமீரகத்தில் இன்று நடைபெறும் ஐபிஎல் தொடரில் சென்னை சூப்பர் கிங்ஸ் அணி கொல்கத்தா நைட் ரைடர்ஸை எதிர்கொள்ள உள்ள நிலையில் வீரர்கள் பட்டியல் வெளியாகியுள்ளது.

கடந்த சில ஆட்டங்களாக தோல்வியை சந்தித்து வந்த தோனி தலைமையிலான சிஎஸ்கே அணி கடந்த ஆட்டத்தில் விக்கெட் இல்லாத இமாலய வெற்றி பெற்று ஷாக்கிங் சர்ப்ரைஸ் கொடுத்தது. இந்நிலையில் இன்று கொல்கத்தா நைட் ரைடர்ஸுக்கு எதிராக விளையாட உள்ள சிஎஸ்கே அணி பட்டியல் வெளியாகியுள்ளது.

அதன்படி, ஷேன் வாட்சன், டூப்ளசிஸ், அம்பத்தி ராயுடு, தோனி, ஜெகதீசன், ஜடேஜா, ப்ராவோ, சாம் கரன், ஷர்துல் தாக்குர், பியூஷ் சாவ்ல, தீபல் ஷார் உள்ளிட்டோர் இன்றைய ஆட்டத்தில் களம் இறங்குகின்றனர். கடந்த சில ஆட்டங்களாக சுமாரான ஆட்டத்தை வெளிப்படுத்திய கேதர் ஜாதவை விடுத்து வேறு வீரர்களை களமிறக்க வேண்டும் என ரசிகர்களே கூறிவந்த நிலையில் இந்த ஆட்டத்தில் ஜாதவ் இல்லை.

அதேபோல கொல்கத்தா நைட் ரைடர்ஸ் அணியில், சுப்மன் கில், சுனில் நரைன், நிதிஷ் ரானா, ஆண்ட்ரே ரஸல், தினேஷ் கார்த்திக், இயான் மோர்கன், கம்மின்ஸ், ராகுல் திருப்பாதி, நாகர்கோட்டி, மாவி, வருன் சக்ரவர்த்தி ஆகியோர் களமிறங்க உள்ளனர்.