சிறையில் சில திக்திக் சம்பவங்கள்.. ஆர்ஜே பாலாஜியின் ‘சொர்க்கவாசல்’ டீசர் ரிலீஸ்..!
ஆர். ஜே. பாலாஜி நடித்து வரும் "சொர்க்கவாசல்" திரைப்படத்தின் படப்பிடிப்பு கடந்த சில மாதங்களாக நடைபெற்று வரும் நிலையில் தற்போது இந்த படத்தின் டீசர் வெளியிடப்பட்டு, இணையத்தில் வேகமாக பரவி வருகிறது.
இந்த டீசர் சுமார் ஒரு நிமிடத்திற்கும் அதிகமான நீளமாக இருக்க, அதில் சிறையில் நடக்கும் சில சம்பவங்களும், அதற்குள் நிலவுகின்ற திக் திக் சம்பவங்கள் காணப்படுகின்றன. குறிப்பாக, ரத்தம் கொப்பளிக்கும் அந்த சிறை சூழலில் ஆர். ஜே. பாலாஜி நடிப்பும், செல்வராகவன் கத்தியுடன் திரில் மிகுந்த காட்சிகளில் தோன்றுவதும் ரசிகர்களை கவர்ந்துள்ளன. இது ஒரு முழுமையான திரில்லர் கதை எனும் எதிர்பார்ப்பு உருவாகியுள்ளது.
ஆர். ஜே. பாலாஜி, செல்வராகவன், நட்டி, கருணாஸ், சானியா ஐயப்பன், பாலாஜி சக்திவேல், அந்தோணி தாசன், ரவி ராகவேந்திரா உள்ளிட்ட பலர் நடிப்பில் உருவாகும் இப்படத்தை சித்தார்த் விசுவநாத் இயக்கியுள்ளார். இசையை கிறிஸ்டோ சேவியர் வழங்க, ஒளிப்பதிவு பிரின்ஸ் ஆண்டர்சன், மற்றும் படத்தொகுப்பு செல்வா ஆகியோரின் படைப்பாக உருவாகி, இந்த படம் விரைவில் திரையரங்குகளில் வெளியாகும் என எதிர்பார்க்கப்படுகிறது.
இந்நிலையில் ஆர்ஜே பாலாஜி அடுத்ததாக சூர்யா நடிக்கும் படத்தை இயக்கவுள்ளார் என்பது குறிப்பிடத்தக்கது.
