கார்த்திகேயா 2 இந்தி- பாக்ஸ ஆபீஸில் இத்தனை கோடி வசூலா
தெலுங்கு படமான கார்த்திகேயா 2 இந்தி மொழியில் வசூல் சாதனை படைத்துள்ளது.
பிரபல தெலுங்கு நடிகர் நிகில் மற்றும் அனுபமா பரமேஸ்வரன் நடித்த ‘கார்த்திகேயா 2’ திரைப்படம் ஆகஸ்ட் 12-ஆம் தேதி உலகம் முழுவதும் திரையரங்குகளில் வெளியானது. தமிழ் தெலுங்கு கன்னடம் மற்றும் இந்தி என 4 மொழிகளில் இந்த படம் ரிலீசானது.
இந்த படம் தெலுங்கு சினிமாவில் தொடர் தோல்விகளுக்குப் பிறகு ஒரு ஹிட் படமாக அமைந்து வசூலில் கலக்கியது. இந்த படம் இந்தியிலும் நல்ல வசூலை ஈட்டி வருகிறது. கடந்த சில மாதங்களாக இந்தி படங்களே அங்கு வெற்றி பெற முடியாமல் தடுமாறி வரும் நிலையில் கார்த்திகேயா 2 கலக்கி வருகிறது. முதலில் குறைவான திரைகளில் ரிலீஸான இந்த திரைப்படம் தற்போது அதிக எண்ணிக்கையில் திரையிடப்படுகிறது.
இந்நிலையில் 100 கோடி ரூபாய் வசூல் செய்த படங்களின் பட்டியலில் இந்த படம் இணைந்துள்ளதாக அதிகாரப்பூர்வமாக படக்குழுவினர் அறிவித்தனர்.
இந்த நிலையில், கார்த்திகேயா-2 படம் இந்தியில் வெளியாகி சுமார் ரூ.30 கோடி வசூலீட்டி சாதனை படைத்துள்ளதாக இப்படத்தின் ஹீரோ நிகில் தன் டுவிட்டர் பக்கத்தில் பதிவிட்டுள்ளார்.
சமீப காலமாக இந்திப் படங்கள் தோல்வியுற்ற நிலையில், தென்னிந்தியப் படங்கள் வெற்றி பெற்று வசூலீட்டி வருவது பாலிவுட்டில் அதிர்ச்சியை ஏற்படுத்தியுள்ளது.
