Daily Horoscope
✕

கள்ளக்குறிச்சியில், கள்ளச்சாராய விவகாரம்: ஆர்ப்பாட்டம் அறிவித்த அண்ணாமலை..!

Written By Mahendran
Updated: வியாழன், 20 ஜூன் 2024 (10:54 IST)
கள்ளக்குறிச்சியில், கள்ளச்சாராய விவகாரம் பெரும் பரபரப்பை ஏற்படுத்திய நிலையில் தமிழக பாஜக தலைவர் அண்ணாமலை ஆர்ப்பாட்டம் அறிவிப்பை வெளியிட்டுள்ளார். இதுகுறித்து அவர் மேலும் கூறியதாவது: 
 
கள்ளக்குறிச்சியில், கள்ளச்சாராயத்தினால் 35க்கும் அதிகமான உயிர்கள் பறிபோயிருக்கின்றன என்ற செய்தி மிகுந்த அதிர்ச்சியும் வேதனையும் அளிக்கிறது. கள்ளக்குறிச்சிக்கு நேரில் சென்று, உயிரிழந்தவர்கள் குடும்பத்தினரையும், மருத்துவமனையில் சிகிச்சை பெறுபவர்களையும் சந்தித்து ஆறுதல் தெரிவிக்க உள்ளோம். அவர்கள் குடும்பத்தினருக்கு தமிஅக பாஜக  எப்போதும் உறுதுணையாக இருக்கும்.
 
திமுக ஆட்சியில் கடந்த இரண்டு ஆண்டுகளில் நடைபெற்றுள்ள கள்ளச்சாராய உயிரிழப்புகள், 1980 காலகட்டத்தில் ஏற்பட்டதைப் போல, தமிழகம் நாற்பது ஆண்டுகள் பின்னோக்கிச் செல்கிறதா என்ற அச்சத்தை ஏற்படுத்துகிறது. 
 
நேற்றைய தினம், மதுவிலக்கு மற்றும் ஆயத்தீர்வை அமைச்சரை பதவி விலக்கம் செய்ய, முதலமைச்சர் திரு முக ஸ்டாலின்  அவர்களைக் கேட்டுக் கொண்டிருந்தோம். ஆனால், கடந்த இரண்டு ஆண்டுகளில் சுமார் 60 உயிர்கள் கள்ளச்சாராயத்தினால் பறிபோனதற்குப் பின்னரும், முதலமைச்சராகத் தொடர தனக்குத் தார்மீக உரிமை உள்ளதா என்பதை, அவர் எண்ணிப் பார்க்க வேண்டும்.
 
தமிழகம் முழுவதும் கள்ளச்சாராய விற்பனையைத் தடுக்காமல், பல உயிர்கள் பலியாகும் வண்ணம், தொடர்ந்து மெத்தனப் போக்கில் செயல்பட்டு வரும் திமுக அரசின் கையாலாகாத்தனத்தைக் கண்டித்து, வரும் ஜூன் 22 அன்று,  தமிழக பாஜக  சார்பாக, மாநிலம் தழுவிய ஆர்ப்பாட்டம் நடைபெற உள்ளது என்பதை அறிவித்துக் கொள்கிறேன்.
 
Edited by Mahendran
 

எல்லாம் காட்டு

தவெக ஆட்சியை கலைக்க முஸ்தபாவிடம் ரூ.30 கோடி பேரம்!. அதிமுக மதுரை பிரமுகர் மன்னன் கைது..

முதல்வர் விஜய் வீடு அருகே அனாதையாக இருந்த பச்சிளங்குழந்தை.. முன்னாள் விமான பணிப்பெண்ணிடம் விசாரணை...

TET தேர்வு எழுதும் ஆசிரியர்களுக்கு சிறப்பு முகாம்.. தமிழக அரசு ஏற்பாடு...

பொங்கலுக்கு இலவச வேட்டி சேலை.. ஆயத்த பணிகளில் த்வெக அரசு தீவிரம்...

வி.எஸ். பாபு மருத்துவமனையிலிருந்து டிஸ்சார்ஜ் செய்யப்பட்டாரா? அமைச்சர் அருண் ராஜ் விளக்கம்!

அடுத்த கட்டுரையில்
Show comments