Daily Horoscope
✕

நாளை முதல் 4 நாட்களுக்கு மெட்ரோ ரயில் சேவையில் மாற்றம்.. முழு விவரங்கள்..!

Written By Mahendran
Updated: திங்கள், 13 ஜனவரி 2025 (17:11 IST)
சென்னை மெட்ரோ ரயில் சேவை ஜனவரி 14-ஆம் தேதி முதல் 17-ஆம் தேதி வரை மாற்றப்பட்டுள்ளதாக மெட்ரோ ரயில் நிர்வாகம் தெரிவித்துள்ளது.

ஜனவரி 14 முதல் 16-ஆம் தேதி வரை ஞாயிறு விடுமுறை நேர அட்டவணையின் படி மெட்ரோ ரயில் இயக்கப்படும் என்றும், ஜனவரி 17-ஆம் தேதி சனிக்கிழமை அட்டவணையின் படி மெட்ரோ ரயில்கள் இயக்கப்படும் என்றும் அறிவிக்கப்பட்டுள்ளது. இதுகுறித்து மெட்ரோ நிர்வாகம் வெளியிட்ட அறிக்கையில் கூறியிருப்பதாவது:

பொங்கல் விடுமுறையை முன்னிட்டு, ஜனவரி 14, 15 மற்றும் 16 ஆகிய தேதிகளில் ஞாயிறு விடுமுறை நேர அட்டவணை பிரகாரம் மெட்ரோ ரயில்கள் இயக்கப்படும். ஜனவரி 17-ஆம் தேதி வெள்ளிக்கிழமை மட்டும் சனிக்கிழமை அட்டவணையின் படி மெட்ரோ ரயில்கள் இயக்கப்படும்.

அதன்படி, ஞாயிறு விடுமுறை அட்டவணை என்பது காலை 5 மணி முதல் இரவு 11 மணி வரை மெட்ரோ ரயில்கள் இயக்கப்படும். காலை 5 மணி முதல் மதியம் 12 மணி வரை மற்றும் இரவு 8 மணி முதல் 10 மணி வரை 10 நிமிட இடைவெளியில் மெட்ரோ ரயில்கள் இயக்கப்படும்.

மதியம் 12 மணி முதல் இரவு 8 மணி வரை 7 நிமிட இடைவெளியில் மெட்ரோ ரயில்கள் இயக்கப்படும். இரவு 10 மணி முதல் 11 மணி வரை 15 நிமிட இடைவெளியில் மெட்ரோ ரயில்கள் இயக்கப்படும் என்பது குறிப்பிடத்தக்கது.


Edited by Mahendran

எல்லாம் காட்டு

பிரியங்கா காந்தி சொன்னதை உடனே நிறைவேற்றிய விஜய்.. டெல்லியில் நடந்த சம்பவம்..

நிஷாந்தின் செல்போன் உரையாடலை ஒட்டுக்கேட்ட டிரைவர்!. சிக்கியது எப்படி?...

முருகனை ஒப்பிட்டு விஜய்யை பாடினேனா? புஷ்பவனம் குப்புசாமி விளக்கம்...

சென்னைக்கு விடுக்கப்பட்ட ஆரஞ்சு எச்சரிக்கை வாபஸ்.. மிதமான மழை மட்டும் தான்...

திட்டம் முடிந்து உடனே ரீசார்ஜ் செய்யாவிட்டா இன்கமிங் கால் நிறுத்தப்படும்; ஜியோ அறிவிப்பு

அடுத்த கட்டுரையில்
Show comments