கொரோனா இல்ல ஒரு மண்ணும் இல்ல... வைத்திலிங்கம்!
எனக்கு கொரோனா தொற்று ஏற்படவில்லை என வைத்திலிங்கம் விளக்கம் அளித்துள்ளார்.
அதிமுகவில் ஒற்றைத்தலைமை விவகாரம் பூதாகரமாக வெடித்துள்ளது. முன்னதாக நடந்த பொதுக்குழுவில் தீர்மானம் நிறைவேற்றப்படாத நிலையில் ஜூலை 11ம் தேதி மீண்டும் பொதுக்குழு கூட்டம் நடைபெற உள்ளது. இதற்கு எதிராக ஓபிஎஸ் தரப்பினர் தேர்தல் ஆணையத்தில் புகார் அளித்துள்ளனர்.
இந்த விவகாரத்தில் ஓபிஎஸ்க்கு ஆதரவாக செயல்பட்டு வருபவர்களில் முக்கியமானவர் வைத்திலிங்கம். சில நாட்கள் முன்னதாக நடந்த பொதுக்குழு கூட்டத்தில் அவரும் கலந்துக் கொண்டிருந்த நிலையில் தற்போது அவருக்கு கொரோனா உறுதியாகியுள்ளது என செய்திகள் வெளியானது.
தொற்று ஏற்பட்டதை அடுத்து வைத்திலிங்கம் வீட்டிலேயே தனிமைப்படுத்திக் கொண்டதாகவும் தகவல் வெளியானது. இந்நிலையில் எனக்கு கொரோனா தொற்று ஏற்படவில்லை என வைத்திலிங்கம் விளக்கம் அளித்துள்ளார். இதனால் அவர் பொதுக்கூட்டத்தில் பங்கெடுப்பார் என தெரியவந்துள்ளது.
