அரசியலுக்கு வருகிறாரா சஞ்சய் தத்? தேர்தலில் போட்டியா?

நடிகை சஞ்சய் தத் அரசியலுக்கு வர இருப்பதாகவும் அவர் வரும் நாடாளுமன்ற தேர்தலில் போட்டியிடப் போவதாகவும் கூறப்பட்டு வரும் நிலையில் இதற்கு அவர் விளக்கம் கொடுத்துள்ளார்.

தேர்தல் நேரத்தில் திரை உலக பிரபலங்கள் திடீரென ஒரு அரசியல் கட்சியில் சேர்ந்து ஏதாவது ஒரு தொகுதியில் போட்டியிடும் செய்திகள் குறித்து பார்த்து வருகிறோம். நடிகை கங்கனா ரனாவத், நடிகர் சுரேஷ் கோபி உள்பட பல திரையுலக பிரபலங்கள் நடைபெற உள்ள பாராளுமன்ற தேர்தலில் வேட்பாளராக அறிவிக்கப்பட்ட உள்ளனர் என்பது குறிப்பிடத்தக்கது.

இந்த நிலையில் பிரபல பாலிவுட் நடிகர் சஞ்சய் தத் அரசியலில் குதிக்க போவதாகவும் காங்கிரஸ் கட்சியின் சார்பில் அவர் தேர்தலில் போட்டியிட போவதாகவும் கடந்த சில நாட்களாக செய்திகள் கசிந்து வருகிறது. இதற்கு தனது எக்ஸ் களத்தில் விளக்கம் அளித்த சஞ்சய் தத் ‘நான் அரசியலுக்கு வரவில்லை, தேர்தலில் போட்டியிடவும் இல்லை. ஒருவேளை நான் அரசியலுக்கு வருவதாக இருந்தால் முன்கூட்டியே அனைவருக்கும் தெரிவிப்பேன் என்று கூறியுள்ளார்.

கடந்த 2019 ஆம் ஆண்டு நடந்த பாராளுமன்ற தேர்தலில் சஞ்சய் தத் சகோதரி காங்கிரஸ் வேட்பாளராக வடமேற்கு மும்பை தொகுதியில் போட்டியிட்டார் என்பதும் அவருக்கு சஞ்சய் தத் ஆதரவளித்தார் என்பதும் குறிப்பிடத்தக்கது. இந்த நிலையில் இந்த தேர்தலில் சஞ்சய் தத் போட்டியிடுவார் என்று கூறப்பட்ட நிலையில் அதற்கு சஞ்சய் தத் விளக்கம் அளித்து வதந்திக்கு முற்றுப்புள்ளி வந்து விட்டார்.

Edited by Mahendran