தோல்வியிலும் வெற்றி; ஹாட்ரிக் அடித்த மம்தா! – முதல்வராக பதவியேற்றார்!
மேற்கு வங்க சட்டமன்ற தேர்தலில் திரிணாமூல் காங்கிரஸ் வெற்றி பெற்ற நிலையில் மம்தா பானர்ஜி முதல்வராக பதவியேற்றுள்ளார்.
மேற்கு வங்க சட்டமன்ற தேர்தலில் திரிணாமூக் காங்கிரஸ் – பாஜக இடையே கடுமையான போட்டி இருந்த நிலையில் திரிணாமூல் காங்கிரஸ் பெருவாரியான தொகுதிகளில் வெற்றி பெற்று பெரும்பான்மை பெற்றது. ஆனால் திரிணாமூல் காங்கிரஸ் தலைவர் மம்தா பானர்ஜி நந்திகிராம் தொகுதியில் தோல்வியை தழுவினார்.
இந்நிலையில் ஆளுனரிடம் பதவியேற்க மம்தா பானர்ஜி உரிமை கோரிய நிலையில் இன்று மேற்கு வங்க ஆளுனர் ஜெகதீப் தங்கர், மம்தா பானர்ஜிக்கு முதல்வராக பதவி பிரமாணம் செய்து வைத்தார். இதன்மூலம் தொடர்ந்து மூன்றாவது முறையாக மேற்கு வங்கத்தின் முதல்வராக பொறுப்பேற்றுள்ளார் மம்தா பானர்ஜி.
