போனஸாக 5 வருட சம்பளம்.. ஊழியர்களுக்கு இன்ப அதிர்ச்சி கொடுத்த நிறுவனம்..!

உலகின் முன்னணி நிறுவனங்கள் வேலை நீக்க நடவடிக்கையை எடுத்து வரும் நிலையில் 5 வருட சம்பளத்தை கொடுத்து முன்னணி நிறுவனம் ஒன்று ஊழியர்களுக்கு இன்ப அதிர்ச்சி கொடுத்துள்ளது. மைக்ரோசாப்ட், அமேசான், பிளிப்கார்ட், உள்பட பல நிறுவனங்கள் கடந்த சில மாதங்களாக ஊழியர்களை வேலை நீக்கம் செய்து வருகிறது என்பது தெரிந்தது. பணவீக்கம் உள்பட பல காரணங்களால் செலவுகளை குறைப்பதற்காக நிறுவனங்கள் வேலை நீக்க நடவடிக்கையை எடுத்து வருகிறது. 

இந்த நிலையில் தைவான் நாட்டைச் சேர்ந்த கப்பல் நிறுவனம் எவர் கிரீன் என்ற நிறுவனம் தனது ஊழியர்களுக்கு ஐந்து வருட சம்பளத்தை போனசாக கொடுத்துள்ளது. 

ஊழியர்களின் செயல் திறனை பொறுத்து இந்த போனஸ் 3100 பேருக்கு வழங்கப்பட்டுள்ளதாக தகவல் வெளியாகியுள்ளன. இதனை அடுத்து இந்த நிறுவனத்தில் பணிபுரியும் ஊழியர்கள் பெரும் மகிழ்ச்சி அடைந்துள்ளனர்.

Edited by Siva