பா ரஞ்சித் தயாரிப்பில் யோகி பாபு நடிக்கும் பொம்மை நாயகி… முதல் லுக் போஸ்டர் வெளியீடு!
யோகி பாபு கதாநாயகனாக நடித்துள்ள பொம்மை நாயகி திரைப்படத்தின் முதல் லுக் போஸ்டர் வெளியாகியுள்ளது.
இயக்குனர் பா ரஞ்சித்தின் நீலம் புரொடக்ஷன்ஸ் நிறுவனம் தமிழ் சினிமாவின் முன்னணி தயாரிப்பு நிறுவனங்களில் ஒன்றாக வளர்ந்து வருகிறது. அந்த நிறுவனத்தின் தயாரிப்பில் இப்போது ஐந்துக்கும் மேற்பட்ட படங்கள் உருவாகி வருகின்றன. அதில் ஒன்றாக யோகி பாபு நடிக்கும் பொம்மைநாயகி என்ற படமும் உள்ளது.
இந்த படத்தை அறிமுக இயக்குனரான ஷான் என்பவர் இயக்கி வருகிறார். இந்த படத்தின் படப்பிடிப்பு இப்போது முழுவதும் நிறைவடைந்துள்ளதை அடுத்து படக்குழுவினர் கேக் வெட்டிக் கொண்டாடியுள்ளனர்.
இந்நிலையில் இன்று படத்தின் முதல் லுக் போஸ்டர் வெளியாகியுள்ளது. குழந்தையுடன் யோகி பாபு கடலில் படகில் இருப்பது போன்ற போஸ்டர் வெளியாகி கவனத்தை ஈர்த்துள்ளது.
