விஜய்யின் வாரிசு பட ஷூட்டிங் முடிந்ததா? தொடங்கிய டப்பிங் பணிகள்!
விஜய் நடித்து வரும் வாரிசு படத்தின் இறுதிகட்ட படப்பிடிப்பு நடைபெற்று வந்த நிலையில் தற்போது மொத்த ஷூட்டிங்கும் நிறைவடைந்துள்ளதாக தகவல்கள் வெளியாகியுள்ளன. இதையடுத்து விஜய் மற்றும் பிரகாஷ் ராஜ் ஆகியோரைத் தவிர்த்து மற்ற அனைவருக்குமான டப்பிங் பணிகள் தொடங்கியுள்ளதாக தகவல்கள் வெளியாகியுள்ளன.
விஜய்யுடன் இந்த படத்தில் ராஷ்மிகா மந்தனா, பிரபு, பிரகாஷ் ராஜ் மற்றும் ஜெயசுதா ஆகியோர் நடிப்பதை படக்குழு உறுதி செய்துள்ளது. இந்த படம் 2023 ஆம் ஆண்டு பொங்கல் பண்டிகையை முன்னிட்டு ரிலீஸ் ஆகும் என அதிகாரப்பூர்வமாக அறிவிக்கப்பட்டுள்ளது.
இந்நிலையில் சில தினங்களுக்கு முன்னர் படத்தில் இடம்பெற்றுள்ள ரஞ்சிதமே பாடல் வெளியாகி ஹிட் ஆகியுள்ளது. அதே நேரத்தில் பாடல் முன்பே வெளியாக பழைய சினிமா பாடல்களின் மெட்டுகளில் அமைந்துள்ளதாக விமர்சனங்களும் எழுந்துள்ளன.
