விடாமுயற்சி என்னோட கதை இல்லை… ஹாலிவுட் பட ரீமேக் சம்மந்தமான கேள்விக்கு மகிழ் திருமேனி பதில்!
மகிழ் திருமேனி இயக்கத்தில், லைகா புரொடக்ஷன்ஸ் தயாரிப்பில் அஜித்குமார் மையக் கதாபாத்திரத்தில் நடித்துள்ள படம் விடாமுயற்சி. அர்ஜுன், ரெஜினா கஸாண்ட்ரா, த்ரிஷா என பலர் நடித்துள்ள இந்த படம் கடந்த சில ஆண்டுகளாகவே தொடர்ந்து படப்பிடிப்பில் இருந்து வந்த நிலையில் ரசிகர்கள் தொடர்ந்து படத்திற்காக காத்திருந்தனர். பல தாமதங்களுக்குப் பிறகு படம் பிப்ரவரி 6ஆம் தேதி திரையரங்குகளில் வெளியாகிறது.
இந்நிலையில் நேற்று முன்தினம் விடாமுயற்சி படத்தின் ட்ரெய்லர் வெளியாகி ஏகோபித்த வரவேற்பைப் பெற்று வருகிறது. படம் முழுவதும் அஜித்குமார் அஜர்பைஜானில் கார் ஓட்டும் காட்சிகளும், ஆக்ஷன் காட்சிகளும் இது பக்கா ஆக்ஷனான படம் என்பதை உணர்த்தும் விதமாக உள்ளன. இதனால் இந்த டிரைலர் அதிகளவில் ரசிகர்களைக் கவர்ந்துள்ளது.
இந்நிலையில் படம் பற்றி பேசியுள்ள இயக்குனர் மகிழ் திருமேனி “விடாமுயற்சி படத்தின் கதை என்னுடையது இல்லை. அஜித் சார் ஒரு மூலக்கதை சொன்னார். அதற்கேற்ப திரைக்கதை எழுதி உருவாக்கியுள்ளோம். இது ஹாலிவுட் படத்தின் ரீமேக்கா என்பதை இப்போது என்னால் சொல்லா முடியாது” எனக் கூறியுள்ளார்.
