மாதவன் படத்தில் இணைந்த டைட்டானிக் பிரபலம்!

நீண்ட இடைவெளிக்கு பிறகு  2016-ம் ஆண்டு இயக்குநர் சுதா கொங்கரா இயக்கத்தில் மாதவன் நடித்த இறுதிச்சுற்று படம் ரசிகர்களிடையே நல்ல வரவேற்பை பெற்று ஹிட் அடித்தது. இதைத்தொடர்ந்து விஜய் சேதுபதியுடன் மாதவன் நடித்த விக்ரம் வேதா படமும் பெரிய ப்ளாக் பஸ்டர் வெற்றியை கொடுத்தது. 

இந்நிலையில் தற்போது மாதவன் அறிவியல் விஞ்ஞானியாக ஒரு படத்தில் நடித்திருக்கிறார். அது கேரளாவைச் சேர்ந்த நம்பி நாராயணனின் வாழ்க்கையை மையமாக கொண்டு எடுக்கப்பட்டு வருகிறது , இஸ்ரோவில் அறிவியல் விஞ்ஞானியாக பணி புரிந்தவர் இவர், 1994-ல் இவர் வேறு நாட்டிற்கு தகவல் கொடுக்கும் ஒரு உளவாளி என குற்றம் சாட்டப்பட்டு பிறகு  சிறையில் அடைக்கப்பட்டார். 

1996-ல் இந்த வழக்கு சி.பி.ஐ க்கு மாற்றப்பட்டது. கடைசியாக 1998-ல் வந்த தீர்ப்பின் படி இவர் எந்த ஒரு குற்றமும் செய்யவில்லை என உச்சநீதிமன்றம் தீர்ப்பளித்து, நம்பியை விடுதலை செய்த நீதிமன்றம், அதில் வெற்றி பெற்ற அவருக்கு 50 லட்சம் நஷ்ட ஈடும் வழங்கப்பட்டது. 

தனக்கு நடந்த சம்பவங்களை  'ரெடி டூ பையர்:  How India and I survived the ISRO spy case' என புத்தகமாகவும்  எழுதியுள்ளார் நம்பி. பின்னாளில் இந்த சர்ச்சைக்குரிய கதையை படமாக்க ஆனந்த் மகாதேவன் இயக்குகிறார் என்ற பேச்சு போய் கொண்டிருந்தது. இதற்கிடையே சில காரணங்களால் நடிகர் மாதவனே இப்படத்தை முழுவதும் இயக்கி வருகிறார். 

சமீபத்தில் வெளிவந்த இப்படத்தின் பர்ஸ்ட் லுக் போஸ்டரில் ஆச்சு அசல் அச்சு அசலாக நம்பி நாராயணனாகவே மாறியிருக்கிறார் நடிகர் மாதவன். இப்படத்தில் நடிகை சிம்ரன் திருமதி நம்பி நாராயணனாக நடிக்கிறாராம். இந்நிலையில் தற்போது இப்படத்தின் படப்பிடிப்பு முடிந்துவிட்டதென மாதவன் பதிவு செய்துள்ளார். அதுமட்டுமல்லாமல் டைட்டானிக் படத்தில் நடித்த ரான் டோனாச்சி இதில் நடிக்கிறார் என்ற புதிய தகவலும் தெரியவந்தது.