கைகொடுக்காத நடிப்பு… மீண்டும் இயக்குனர் பொறுப்பைக் கையில் எடுக்கும் பிரபுதேவா!
கோலிவிட்டில் நடன அமைப்பாளராக இருந்து, ஹீரோவாக பின்னர் போக்கிரி படம் மூலம் வெற்றிகரமன இயக்குநராக வலம் வந்தவர் பிரபுதேவா. இவர் பாலிவுட் சென்று அங்கும் வெற்றிகரமான இயக்குநராக வலம் வந்தார். ஆனால், அவரது சமீபத்தில் படங்கள் வெற்றிபெறவில்லை எனக் கூறப்படுகிறது. அதனால் அவர் மீண்டும் நடிப்பு பாதைக்குத் திரும்பியுள்ளார். ஆனால் நடிப்பும் அவருக்கு பெரியளவில் கைகொடுக்கவில்லை.
இதையடுத்து தமிழ் சினிமாவில் தொடர்ந்து அவர் பல படங்களில் நடித்து வந்தார். ஆனால் அதில் எந்த படங்களும் பெரிதாக அவருக்கு திருப்புமுனையாக அமையவில்லை. இதனால் அவர் நடிப்பில் ஒரு இடைவெளி எடுத்துக்கொண்டார். சமீபத்தில் அவர் நடிப்பில் ரிலீஸான ஜாலியோ ஜிம்கானா படம் வந்த தடம் கூட தெரியாமல் போனது.
இதனால் அவர் மீண்டும் இயக்குனர் பொறுப்பைக் கையில் எடுக்கவுள்ளதாக தகவல்கள் வெளியாகியுள்ளன. சில வருடங்களுக்கு முன்னர் அவர் கார்த்தி மற்றும் விஷால் ஆகியோரை வைத்து ‘கருப்பு ராஜா வெள்ளை ராஜா’ என்ற படத்தை இயக்க இருந்தார். அந்த படம் கைவிடப்பட்ட நிலையில் இப்போது அதே திரைக்கதையைதான் அவர் மெருகேற்றி படமாக்க உள்ளதாக சொல்லப்படுகிறது.
