பாபநாசம் 2 படத்தை இயக்கப்போவது ஜீத்து ஜோசப் இல்லையாம்… இந்த இயக்குனர்தானாம்!
திருஷ்யம் 2 படத்தின் தமிழ் ரீமேக்கான பாபநாசம் 2 ஐ இயக்குனர் கே எஸ் ரவிக்குமார் இயக்க உள்ளாராம்.
கமல்ஹாசன் நடிப்பில் ஜீத்து ஜோசப் இயக்கத்தில் வெளியான ’பாபநாசம்’ மலையாளத்தில் மோகன் லால் நடித்த திருஷ்யம் படத்தின் ரீமேக். இந்த படம் இந்தி மற்றும் தென்னிந்தியாவின் எல்லா மொழிகளிலும் ரீமேக் செய்யப்பட்டது. இந்நிலையில் இப்போது திருஷ்யம் 2 படம் வெளியாகி பரவலானப் பாராட்டுகளைப் பெற்றது.
ஆனால் அதற்குள்ளாகவே அதை தமிழ் மற்றும் தெலுங்கில் ரீமேக் பணிகள் தொடங்கி நடந்து வருகிறது. இந்நிலையில் தமிழில் பாபநாசம் படத்தின் இரண்டாம் பாகம் கமல் நடிப்பில் உருவாக உள்ளதாகவும், அந்த படத்தைக் கமலின் ஆஸ்தான இயக்குனர்களில் ஒருவரான கே எஸ் ரவிக்குமார் இயக்க உள்ளாராம்.
