லால் சலாம் தோல்விக்கு லைகாதான் காரணம் என நினைக்கும் ஐஸ்வர்யா ரஜினிகாந்த்!
ரஜினிகாந்த் சிறப்பு தோற்றத்தில் நடித்துள்ள ‘லால் சலாம்’ திரைப்படம் கடந்த வாரம் வெளியான நிலையில் முதல் காட்சியில் இருந்தே எதிர்பார்த்த அளவு கூட்டம் வரவில்லை என சொல்லப்பட்டது. இந்த படத்தில் விஷ்ணு விஷால், விக்ராந்த் முக்கியமான ரோல்களில் நடித்துள்ளனர். ரஜினிகாந்த் மொய்தீன் பாய் என்ற சிறப்பு தோற்றத்தில் நடித்துள்ளார்.
இந்நிலையில் இதுவரை லால் சலாம் திரைப்படம் சுமார் 10 கோடி ரூபாய் அளவுக்குதான் வசூலித்துள்ளதாக தகவல் வெளியாகியுள்ளது. மேலும் தமிழ்நாடு மட்டுமில்லாமல் வெளி மாநிலங்களிலும் எதிர்பார்த்த வசூல் இல்லை என சொல்லப்படுகிறது. ரஜினி என்ற ஒரு சூப்பர் ஸ்டார் இருந்தும் லால் சலாம் படத்துக்கு பெரிய வரவேற்பு இல்லாததைக் காட்டுகிறது.
இந்நிலையில் படத்தின் தோல்விக்கு காரணம் லைகா நிறுவனம் படத்துக்கு சரியாக விளம்பரம் செய்யாததுதான் காரணம் என இயக்குனர் ஐஸ்வர்யா ரஜினிகாந்த் நினைக்கிறாராம். இதே எண்ணத்தை லண்டனில் இருக்கும் லைகா அதிபர் சுபாஷ்கரனுக்கும் அவர் தெரியப்படுத்தியுள்ளதாக சொல்லப்படுகிறது.
