ஜனநாயகன் படத்தின் ஓடிடி உரிமையைக் கைப்பற்றி பிரபல ஓடிடி நிறுவனம்.. இத்தனை கோடி வியாபாரமா?

GOAT படத்துக்குப் பிறகு விஜய், ஹெச் வினோத் இயக்கும் ‘ஜனநாயகன்’ படத்தில் நடித்து வருகிறார். அந்த படம் முடிந்ததும் அவர் சினிமாவை விட்டு முழு நேர அரசியலுக்கு செல்லவுள்ளார். அதனால் படத்தின் மீது மிகப்பெரிய அளவில் எதிர்பார்ப்பு நிலவுகிறது. இந்த படத்துக்கு அனிருத் இசையமைக்க, சத்யன் சூர்யன் ஒளிப்பதிவு செய்கிறார். KVN புரொடக்‌ஷன்ஸ் என்ற நிறுவனம் தயாரிக்கிறது.

இந்த படத்தில் கதாநாயகியாக பூஜா ஹெக்டே, மமிதா பைஜு, பிரகாஷ் ராஜ், பாபி தியோல் உள்ளிட்ட பலர் நடிக்கின்றனர். கடந்த ஆண்டு இறுதியில் இந்த படத்தின் ஷூட்டிங் தொடங்கியது. முதலில் ஒரு பிரம்மாண்டமானப் பாடல் காட்சியை படமாக்கினார் இயக்குனர் வினோத். இப்போது சென்னையில் முக்கியமானக் காட்சிகள் படமாக்கப்பட்டு வருகின்றன.

முதலில் அக்டோபர் மாதம் ரிலீஸாகும் என அறிவிக்கப்பட்ட இந்த படம் தற்போது அடுத்த ஆண்டு பொங்கல் பண்டிகைக்கு ரிலீஸாகவுள்ளது. இந்த தள்ளிவைப்புக்கு படத்தின் டிஜிட்டல் வியாபாரம் முடியாமல் இருந்ததேக் காரணம் என சொல்லப்பட்டது. இந்நிலையில் தற்போது முன்னணி ஓடிடி நிறுவனமான அமேசான் ப்ரைம் நிறுவனம் ‘ஜனநாயகன்’ படத்தின் ஓடிடி உரிமையை சுமார் 115 கோடி ரூபாய் கொடுத்துக் கைப்பற்றியுள்ளதாம். தற்போது டிஜிட்டல் வியாபாரம் நலிவடைந்திருக்கும் நிலையில் இவ்வளவு பெரிய தொகைக்கு வியாபாரம் நடந்திருப்பது ஆச்சர்யமாகப் பார்க்கப்பட்டுள்ளது.