ஓடிடியில் ரிலீஸாகிறதா நரகாசூரன்? ரசிகர்களை உற்சாகமாக்கிய செய்தி!
கௌதம் மேனன் தயாரிப்பில் கார்த்திக் நரேன் இயக்கிய நரகாசூரன் திரைப்படம் ஓடிடி தளங்களில் ரிலீஸாக உள்ளதாக சொல்லப்படுகிறது.
தமிழில் 'துருவங்கள் 16' என்ற படத்தின் மூலம் தமிழ் சினிமாவில் இளம் இயக்குனராக தடம் பதித்த கார்த்திக் நரேன் தற்போது 'நரகாசூரன்' என்ற படத்தை இயக்கி வருகிறார். அரவிந்த் சாமி, ஸ்ரேயா சரண் ஆகியோர் நடிக்கும் இப்படத்தை இயக்குநர் கௌதம் வாசுதேவ் மேனன் மற்றும் எஸ்கேப் ஆர்ட்டிஸ்ட் மதன் ஆகியோர் தயாரித்தனர். படப்பிடிப்பு முடிந்தும் கௌதம் மேனனின் பணப் பிரச்சனைகளால் மூன்றாண்டுகளாக இந்தப் படம் இன்னும் ரிலிஸாகாமல் உள்ளது.
இது சம்மந்தமாக கார்த்திக் நரேனுக்கும் கௌதம் மேனனுக்கும் இடையே கருத்து மோதல்கள் எழுந்தன. ஆனாலும் பொருளாதார சிக்கல்கள் காரணமாக கௌதம் மேனனால் இன்னும் அந்த படத்தை ரிலிஸ் செய்ய முடியவில்லை. இந்நிலையில் இப்போது படங்கள் ஓடிடி தளங்களில் நேரடியாக ரிலீஸாக உள்ளதை அடுத்து நரகாசூரன் படத்தையும் அப்படி ரிலிஸ் செய்ய முடிவெடுத்துள்ளாராம் கௌதம் மேனன்.
