இளையராஜா இசையில் பாடல் பாடியுள்ள தனுஷ்! விடுதலை அப்டேட்!
வெற்றிமாறன் இயக்கத்தில் விஜய் சேதுபதி மற்றும் சூரி நடிக்கும் விடுதலை படத்தில் தனுஷ் ஒரு பாடலைப் பாடியுள்ளார்.
தனுஷுடனான அசுரன் படத்தின் வெற்றியை தொடர்ந்து இயக்குனர் வெற்றிமாறன் இயக்கி வரும் திரைப்படம் “விடுதலை”. இந்த படத்தின் மூலமாக காமெடி நடிகர் சூரி முதன்முறையாக கதாநாயகனாக நடிக்கிறார். இந்த படத்தில் முக்கியமான கதாப்பாத்திரத்தில் விஜய் சேதுபதி நடிக்கிறார். மற்றுமொரு கதாபாத்திரத்தில் இயக்குனரும் நடிகருமான கௌதம் மேனன் நடிக்கிறார். இப்போது வரை கிட்டத்தட்ட 60 சதவீத படப்பிடிப்பு முடிந்துள்ள நிலையில் அடுத்த கட்ட படப்பிடிப்பு விரைவில் தொடங்க உள்ளது.
இந்நிலையில் படத்தின் இயக்குனர் வெற்றிமாறன் சமீபத்தில் அளித்த நேர்காணலில் படத்துக்காக இளையராஜா இசையில் தனுஷ் ஒரு பாடலை ஒரு பாடலை பாடியுள்ளாராம். கிட்டத்தட்ட 8 மணிநேரம் அந்த பாடலை இளையராஜா தனுஷுக்கு சொல்லிக்கொடுத்து பாடலை பதிவு செய்துள்ளாராம்.
