தனுஷ் - நயன்தாரா வழக்கு: நெட்பிளிக்ஸ் தாக்கல் செய்த மனு தள்ளுபடி..!

நடிகை நயன்தாரா மீது தனுஷ் வழக்கு தொடர்ந்து இருந்த நிலையில் இந்த  வழக்கு குறித்து நெட்பிளிக்ஸ் நிறுவனம் தாக்கல் செய்த மனு தள்ளுபடி செய்யப்பட்டு உள்ளதாக தகவல் வெளியாகி உள்ளன.

நடிகை நயன்தாராவின் திருமண ஆவணப்படம் சமீபத்தில் நெட்பிளிக்ஸ் ஓடிடியில் வெளியான நிலையில் இந்த ஆவணப்படத்தில் தன்னுடைய தயாரிப்பில் உருவான படத்தின் காட்சிகள் இருப்பதாகவும் அனுமதி இன்றி அந்த காட்சிகள் பயன்படுத்தப்பட்டுள்ளதால் 10 கோடி இழப்பீடு கேட்டு தனுஷின் வொண்டர் பார் நிறுவனம் வழக்கு தொடர்ந்திருந்தது.

இந்நிலையில் நயன்தாரா ஆவணப்பட விவகாரத்தில் தனுஷின் வழக்கை நிராகரிக்க நெட்பிளிக்ஸ் நிறுவனம் தாக்கல் செய்த மனு தள்ளுபடி செய்யப்பட்டுள்ளது.

சென்னை உயர் நீதிமன்றத்தில் வழக்கு தொடர முடியாது என்பதால் வழக்கை நிராகரிக்க வேண்டும் என்று நெட்பிளிக்ஸ் மனு தாக்கல் செய்த நிலையில் அதை ஏற்க  சென்னை உயர்நீதிமன்றம் மறுத்துவிட்டது. மேலும் தனுஷின் வொண்டர்பார் நிறுவனம் தாக்கல் செய்த பிரதான உரிமையியல் வழக்கு பிப்ரவரி 5ஆம் தேதி விசாரணைக்கு வரும் என்றும் உயர்நீதிமன்ற நீதிபதி உத்தரவு பிறப்பித்துள்ளார்.

Edited by Mahendran